សម្ដេចតេជោ ៖ អ្នកកាប់បំផ្លាញព្រៃឈើ ដូចកាប់ក្បាលសម្តេច
សារព័ត៌មាន Cambodia News/
ភ្នំពេញ (២២ សីហា ២០១៧) ៖ ស្អប់ណាស់ អ្នកកាប់បំផ្លាញព្រៃឈើព្រោះអ្នកកាប់ព្រៃឈើ ដូចកាប់ក្បាលខ្ញុំចឹង ក្នុងនាមជាអ្នក កាប់ឈើនៅព្រះវិហារ ប៉ុន្តែមកធ្វើអំពើល្អដូច ដាំដើមឈើនៅកំពង់ចាម និងកណ្តាល ក្រោមរូបភាពធ្វើល្អ អ្នកខ្លះនៅភ្នំពេញ តែទៅបំផ្លាញព្រៃឈើ នៅព្រះវិហារ ឧត្តរមានជ័យ ហើយនេះចាត់ទុកជាឧក្រិដ្ឋជន កាប់អស់អាធំ នៅសល់អាតូច រណាបច្ចុប្បន្នធំៗណាស់ ពីមុនកាប់៣ថ្ងៃមិនទាន់ដាច់ផង ប៉ុន្តែឥឡូវកាប់មួយភ្លែតដាច់ភ្លាម។
សម្ដេចអគ្គមហាសេនាបតីតេជោហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា មានប្រសាសន៍បែបនេះខណៈ ដែលសម្តេច អញ្ជើញជាអធិបតីក្នុងវេទិកាជាតិលើកទី២ ស្តីពី “ការការពារនិងអភិរក្សធនធានធម្មជាតិ” នៅព្រឹកថ្ងៃទី២២ ខែសីហា ឆ្នាំ២០១៧ នាវិមានសន្តិភាព។
សម្ដេចបានសង្កត់ធ្ងន់ ដោយបានជំរុញឲ្យក្រសួងមហាផ្ទៃ និងក្រសួងបរិស្ថាន ត្រូវសហការគ្នាយ៉ាងណារកមធ្យោបាយប្រើប្រាស់មន្ដ្រីនៅតំបន់ការពារធម្មជាតិឲ្យមានប្រសិទ្ធភាព ដើម្បីជៀសវៀងការចំណាយច្រើនហួសហេតុ និងការពារព្រៃឈើបានគង់វង់៕
