កូនប្រុសនាយហុងដាសារភាពថា មកពីអត់មានលុយទិញថ្នាំញៀនទើប…
សារព័ត៌មាន Cambodia News/
ភ្នំពេញ (១៣ ឧសភា ២០១៧) ៖ ក្រោយពេលកម្លាំងកងរាជអាវុធហត្ថបានឃាត់ខ្លួន និងធ្វើការសួរចម្លើយទៅជនសង្ស័យឈ្មោះអឿន សុខខេង ដែលជាកូនប្រុសរបស់នាយហុងដា រួមទាំងស្រីស្នេហ៍ ពាក់ព័ន្ធលើករណីឃាតកម្មប្រពន្ធក្រោយរបស់លោកហុងដា ពួកគេបានសារភាពថា គេជាមនុស្សញៀនថ្នាំខ្លាំង ។
ប្រភពឱ្យដឹងទៀតថា ផ្តើមចេញពីការសម្លាប់ប្រពន្ធក្រោយរបស់ឪពុកខ្លួននេះ ដោយសារមូលហេតុអត់មានលុយទិញថ្នាំញៀនជក់ និងសម្រាប់តម្រូវការជាមួយស្រីស្នេហ៍ខ្លួន ។ ចម្លើយរបស់ជនសង្ស័យឈ្មោះអឿន សុខខេង បានបន្តថា នេះមិនមែនជារឿងឃាតកម្មទេ គឺជាការសម្លាប់ប្លន់យកគ្រឿងអលង្ការ មានលុយ មាសប្រាក់ និងម៉ូតូ ដើម្បីលក់យកទៅទិញថ្នាំញៀនប្រើប្រាស់ ។
បច្ចុប្បន្ន សមត្ថកិច្ចកំពុងកសាងសំណុំរឿងពួកគេ ដើម្បីបញ្ជូនទៅកាន់សាលាដំបូងរាជធានីភ្នំពេញតាមនីតិវិធី ៕
