ក្មេងស្ទាវពីរក្រុមដេញកាប់គ្នា ត្រូវសមត្ថកិច្ចក្របួចវាយខ្នោះ
សារព័ត៌មាន Cambodia News/
បាត់ដំបង៖ ក្រុមក្មេងស្ទាវចំនួនពីរក្រុមបានប្រើដាវសាំម៉ារ៉ៃដេញកាប់គ្នាបង្ករការភ្ញាក់ផ្អើលនៅវេលាម៉ោង១៦-៤០នាទីថ្ងៃទី១.ខែមីនា ឆ្នាំ២០១៧ត្រង់ចំនុចខ្នង ប្រឡាយស្ថិតក្នុងភូមិចុងសំណាយ មោងឬស្សី ។ ចុងក្រោយត្រូវសមត្ថកិច្ចក្របួចវាយខ្នោះ។ ហេតុការគួរអោយភ្ញាក់ផ្អើលខាងលើនេះបានកើតឡើង។
សមត្ថកិច្ចមូលដ្ឋានបានបញ្ជាក់ប្រាប់ថាករណីហឹង្សាខាងលើនេះបង្ករដោយក្រុមជនក្មេងស្ទាវចំនួន២ក្រុមដោយក្រុមទីមួយមានគ្នាពី១០នាក់-ទៅ២០នាក់ ប្រើប្រាស់ដាវសាំម៉ារៃចំនួន១ដើម និងកាំបិត ស្នៀតព្រមទាំងដំបង បានដេញកាប់ និងវាយគ្នាទៅវិញទៅមកជាមួយក្រុមមួយទៀតមានគ្នា៣នាក់ បណ្តាលឲ្យម្នាក់ក្នុងចំណោមបក្ខពួក៣នាក់រងរបួសត្រូវចង្កេះ ធ្គាម និងស្មារ។
ក្រោយធ្វើសកម្មភាពវាយតប់កាប់ចាក់គ្នារួចជនបង្ករទាំង២ក្រុមបានរត់គេចខ្លួន។ លុះដល់ម៉ោង៨-០០នាទីថ្ងៃ២.ខែមីនាឆ្នាំ២០១៧កម្លាំងមូលដ្ឋានអាវុធហត្ថស្រុកមោងឫស្សីបានស្រាវជ្រាវឈានដល់ការឃាត់ខ្លួនជនសង្ស័យចំនួន១០នាក់ក្នុងនោះ៨នាក់ជាចំណោមបក្ខពួក។ ដកហូតវត្ថុតាងកាំបិតចំនួន២ ដាវសាំម៉ារៃ ចំនួន២ កាំបិតស្នៀតចំនួន១ ដែកបំពង់ទីបជ្រុងចំនួន៣និង ដំបងមែកស្តៅចំនួន១។
បច្ចុប្បន្នជនបង្ករទាំង១០នាក់និងវត្ថុតាងកំពុងឃាត់ខ្លួននៅមូលដ្ឋានកងរាជអាវុធហត្ថស្រុកដើម្បីក៏សាងសំណុំរឿងបញ្ចូនទៅតុលាការ៕
