លោក ហ៊ុន សែន ទៅទស្សនកិច្ចនៅចិន ស្របពេល ការគំរាមធ្វើមហាបាតុកម្មអហិង្សា
ភ្នំពេញ៖ កាលពីថ្ងៃទី២ កញ្ញា ឆ្នាំ២០១៣ លោក ហ៊ុន សែន នាយករដ្ឋមន្រ្តី នៃប្រទេសកម្ពុជា បានដឹកនាំគណៈប្រតិភូមួយក្រុមទៅទស្សនកិច្ចនៅប្រទេសចិនប្រយោជន៍ ចូលរួមពិធីពិព័រណ៍អាស៊ាន-ចិនប្រចាំឆ្នាំ ស្របពេលការគំរាមបាតុកម្មនាថ្ងៃទី៧ កញ្ញា កាន់តែខិតជិតមកដល់។
រដ្ឋមន្ត្រីប្រតិភូអមនាយក រដ្ឋមន្ត្រី លោក ស្រ៊ី ថាមរ៉ុង្គ បានថ្លែងប្រាប់អ្នកកាសែតថា លោកនាយករដ្ឋមន្រ្តី ហ៊ុន សែន នឹងជួបពិភាក្សាការងារដាច់ដោយ ឡែកពីគ្នាជាមួយលោក នាយករដ្ឋមន្ត្រីចិន លីខឺឈាង នាយករដ្ឋមន្ត្រីវៀតណាម លោក ង្វៀន តាន់យុង និងជួបជាមួយលោកអភិបាលខេត្តក្វាងស៊ី ដែលជាម្ចាស់ផ្ទះផងដែរ។
យ៉ាងណាក៏ដោយ លោក មិនបាននិយាយសំដៅទៅរកការប្រកាសធ្វើមហាបាតុកម្មរបស់គណបក្ស សង្រ្គោះជាតិ ទាក់ទងនឹងភាពមិនប្រក្រតីនៃការបោះឆ្នោតនោះទេ៕ Cambodia News
