ឧកញ៉ា គិត ម៉េង៖ រាល់ការបង់ថ្លៃអគ្គិសនីក្រោម ១០ម៉ឺន វីងនឹងមិនគិតសេវា
សារព័ត៌មាន Cambodia News/
ភ្នំពេញ (១៥ កុម្ភៈ ២០១៧) ៖ អ្នកឧកញ៉ា គិត ម៉េង ប្រាប់សម្តេចតេជោ ក្នុងកិច្ចប្រជុំកំពូលពាណិជ្ជកម្មអន្តរជាតិ កម្ពុជា ឆ្នាំ២០១៧ នៅព្រឹកថ្ងៃទី១៥ ខែកុម្ភៈនេះថា រាល់ការទូទាត់ថ្លៃសេវាអគ្គិសនីតាម ភ្នាក់ងារ Wing (វីង) ក្រោម១០ម៉ឺនរៀល នឹងមិនគិតថ្លៃសេវាពីប្រជាពលរដ្ឋទេ។
មហាសេដ្ឋីស្រុកខ្មែរ រូបនេះបន្តទៀតថា នៅពេលនេះ លោកបានឲ្យបុគ្គលិកវីងរបស់លោកចាប់ផ្តើមអនុវត្តហើយ។ ដូច្នេះវាជាការល្អ សម្រាប់បងប្អូនទាំងអស់ក្នុងការចូលរួមកាត់បន្ថយថ្លៃចំណាយផ្សេងៗលើថ្លៃអគ្គិសនីនេះ៕
