ក្រសួងអប់រំ គ្រោងប្រើប្រព័ន្ធទំនើបយកវត្តមានសិស្សតាមសាលា
សារព័ត៌មាន Cambodia News/
ភ្នំពេញ (១៤ កុម្ភៈ ២០១៧) ៖ ឯកឧត្ដម ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា បានថ្លែងថា ដើម្បីគ្រប់គ្រងវត្តមានសិស្សក្នុងថ្នាក់ឱ្យបានល្អ ក្រសួងនឹងដាក់វិធានការយកវត្តមានសិស្សតាមរយៈតាមរយៈប្រព័ន្ធកុំព្យូទ័រ នាថ្ងៃអនាគត។ នេះបើតាមការថ្លែងឲ្យដឹងនៅក្នុងពិធីដាក់ឱ្យប្រើប្រាស់ជាផ្លូវការប្រព័ន្ធសិក្សាតាមអ៊ីនធឺណេតសម្រាប់សិស្សថ្នាក់ទី ១២ កាលពីថ្មីៗនេះ។
រដ្ឋមន្ត្រីក្រសួងអប់រំ យុវជន និងកីឡា បានបញ្ជាក់ថា សិស្សដែលមករៀននឹងត្រូវ (Check in) តាមប្រព័ន្ធអេឡិចត្រូនិក បន្ទាប់មករាល់ទិន្នន័យទាំងអស់នឹងត្រូវបញ្ជូនទៅក្នុងកុំព្យូទ័រ ទាំងពេលសិស្សមករៀន និងពេលចេញទៅផ្ទះ។ ប៉ុន្តែឯកឧត្ដមមិនទាន់បញ្ជាក់ថា ត្រូវស្កេនមេដៃ ឬក៏ឆូតកាតនៅឡើយទេ កំពុងសិក្សានៅឡើយ៕
