ក្រុមហ៊ុនបច្ចេកវិជ្ជាធំៗរបស់អាមេរិកដាក់ពាក្យបណ្តឹងផ្លូវច្បាប់រួមគ្នាប្រឆាំងបម្រាមជនមូស្លីមរបស់ត្រាំ
សារព័ត៌មាន Cambodia News/
អាមេរិក (០៧ កុម្ភៈ ២០១៧) ៖ ក្រុមហ៊ុនបច្ចេកវិជ្ជាកំពូលៗជិត ១០០ រួមទាំង Apple, Facebook, Google, Microsoft និង Twitter បានដាក់ពាក្យបណ្តឹងផ្លូវច្បាប់រួមគ្នាប្រឆាំងបម្រាមធ្វើដំណើររបស់ប្រធានាធិបតី ដូណាល់ ត្រាំ។
ពាក្យបណ្តឹងនេះបានដាក់ប្តឹងកាលពីល្ងាចថ្ងៃអាទិត្យទី ៥ កុម្ភៈ នៅតុលាការឧទ្ធរណ៍អាមេរិក (U.S. Court of Appeals for the Ninth Circuit) ដើម្បីបង្ហាញការគាំទ្រដល់បណ្តឹងដែលកំពុងធ្វើឡើងប្រឆាំងនឹងបម្រាមនេះ។
ពាក្យបណ្តឹងរួមគ្នានោះបានលើកឡើងថា បម្រាមរបស់ត្រាំបានបង្កផលប៉ះពាល់យ៉ាងខ្លាំងមកលើធុរកិច្ច ការច្នៃប្រឌិត និងកំណើនសេដ្ឋកិច្ចអាមេរិក។ នេះបើយោងតាមច្បាប់ចម្លងឯកសារដែលបានដាក់ប្តឹងនោះ ដែលបណ្តាញផ្សព្វផ្សាយជាច្រើនទទួលបាន៕
