ធី សុវណ្ណថា កំពុងឆ្លើយបំភ្លឺរឿងប្តឹងលោក សម រង្ស៊ី
សារព័ត៌មាន Cambodia News/
ភ្នំពេញ (០៧ កុម្ភៈ ២០១៧) ៖ កញ្ញា ធី សុវណ្ណថា នាយិកាអង្គការយុវជនកិច្ចការសង្គម នៅថ្ងៃទី០៧ កុម្ភៈនេះ បាននិងកំពុងឆ្លើយបំភ្លឺនៅសាលាដំបូងរាជធានីភ្នំពេញ ពាក់ព័ន្ឋនឹងបណ្តឹងរបស់នាង ដែលប្តឹងលោកសម រង្ស៊ី ទារសំណងជំងឺចិត្ត២៥ម៉ឺនដុល្លារ ។
គួររំឮកថា អតីតសកម្មជនគណបក្សសង្គ្រោះជាតិ បានសម្រេចប្តឹងលោក សម រង្ស៊ី ដែលកំពុងនិរទេសខ្លួននៅក្រៅប្រទេស បន្ទាប់ពីមេបក្សប្រឆាំងរូបនេះបានថ្លែងនៅក្នុងជំនួបជាមួយសកម្មជន និងអ្នកគាំទ្រ ដោយចោទប្រកាន់សម្តេចតេជោ ហ៊ុន សែន បានសូកលុយ ធី សុវណ្ណថា ចំនួន១លានដុល្លារ ដើម្បីឲ្យនាយិកាអង្គការយុវជនកិច្ចការសង្គមធ្វើសកម្មភាពផ្សេងៗប្រឆាំងមេដឹកនាំគណបក្សសង្គ្រោះជាតិ ។
ការថ្លែងចោទរបស់លោក សម រង្ស៊ី នៅក្នុងប្រទេសបារាំងកាលពីថ្ងៃទី១៤ មករា ២០១៧ខាងលើ សម្តេចតេជោនាយករដ្ឋមន្ត្រី តាមរយៈលោកមេធាវី គី តិច ក៍បានប្តឹងទារសំណង១លានដុល្លារផងដែរ ៕
