សម្តេចតេជោ ៖ កម្ពុជារៀបចំកិច្ចប្រជុំកំពូលអាស៊ានដោយសារមានកត្តាសុវត្ថិភាព សន្តិភាព ស្ថិរភាពនយោបាយ
សារព័ត៌មាន Cambodia News/
ថ្ងៃចេញផ្សាយៈ August 5, 2022/
ភ្នំពេញ ៖ ក្នុងឱកាសអញ្ជើញទទួលសញ្ញាបត្របណ្ឌិតកិត្តិយសផ្នែកអភិវឌ្ឍន៍ ពីសាកលវិទ្យាល័យភូមិន្ទភ្នំពេញ នាព្រឹកថ្ងៃទី០៥ ខែសីហា ឆ្នាំ២០២២ននេះ សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានបង្ហាញពីមោទកភាពថា មូលហេតុកម្ពុជារៀបចំកិច្ចប្រជុំកំពូលអាស៊ាននៅឆ្នាំ២០២២នេះបាន ដោយសារកម្ពុជាមានកត្តាសុវត្ថិភាព សន្តិភាព និងស្ថិរភាពនយោបាយ ខណៈការរៀបចំកិច្ចប្រជុំរដ្ឋមន្រ្តីការបរទេសអាស៊ានលើកទី៥៥ ធ្វើឡើងនៅរាជធានីភ្នំពេញ ត្រូវបានបញ្ចប់នាថ្ងៃ ៥ សីហានេះ។
សម្តេចតេជោ ហ៊ុន សែន បានបញ្ជាក់ថា មិនមែនជារឿងចៃដន្យទេ ដែលឥស្សរជន នៃបណ្តាប្រទេសធំៗលើពិភពលោក មានវត្តនៅកម្ពុជានាពេលនេះ។ កត្តាធំនោះ គឺសន្តិសុខ សុវត្ថិភាព និងស្ថិរភាពនយោបាយ ដែលមិនមានឥស្សរជនណាមួយស្នើសុំរថយន្តពាសដែកការពារគ្រាប់នោះទេ(បាឡាំងដាស់) ហើយកត្តាមួយទៀតនោះ គឺការគ្រប់គ្រងកូវីដ-១៩របស់កម្ពុជា បានល្អប្រសើរ៕
