គ្រោះថ្នាក់ចរាចរណ៍ថ្ងៃទី២២ខែមករាស្លាប់៤នាក់និងរបួស១០នាក់
សារព័ត៌មាន Cambodia News/
ភ្នំពេញ (២៣ មករា ២០១៦) ៖តាមរបាយការណ៍ពីនាយកដ្ឋាននគរបាលចរាចរណ៍និងសណ្ដាប់ធ្នាប់សាធារណៈនៃអគ្គស្នងការដ្ឋាននគរបាលជាតិ បានបញ្ជាក់ឲ្យដឹងថាកាលពីថ្ងៃទី២២ខែមករាឆ្នាំ២០១៧មានករណីគ្រោះថ្នាក់ចរាចរណ៍នៅទូទាំងប្រទេសបានកើតឡើងចំនួន១០លើកបណ្ដាលឲ្យមនុស្សស្លាប់៤នាក់ របួសធ្ងន់និងរបួសស្រាលចំនួន១០នាក់។
របាយការណ៍ដដែលបានបញ្ជាក់ឲ្យដឹងទៀតថាគ្រោះថ្នាក់ចរាចរណ៍ទាំង១០លើកនោះបណ្តាលឲ្យខូចខាតម៉ូតូ៩គ្រឿង រថយន្តតូច៣គ្រឿង រថយន្តធំ២គ្រឿង។មូលហេតុនៃគ្រោះថ្នាក់នេះរួមមាន បើកបរលឿន មិនប្រកាន់ស្តាំ មិនគោរពសិទ្ធិ បត់គ្រោះថ្នាក់ ស្រវឹង និងជែង។
ចំពោះគ្រោះថ្នាក់ចរាចរណ៍កន្លងមករយៈពេល២២ថ្ងៃ ចាប់ពីថ្ងៃទី១ ដល់ ២២ ខែមករា ឆ្នាំ២០១៧ បានកើតឡើងចំនួន២៥២លើក ស្លាប់១២២នាក់ និង៣៦៦នាក់របួស៕
