ជនជាតិចិន១៦៨ នាក់ពាក់ព័ន្ធនឹងករណីជំរិតតាម Internet បានបញ្ជូនចេញពីកម្ពុជា
សារព័ត៌មាន Cambodia News/
ភ្នំពេញ (១០ វិច្ចិការ ២០១៥) ៖ នេះបើតាម សេចក្តីរាយការណ៍ពីភ្នាក់ងារ Fresh News កាលពីពេលថ្មីៗនេះជនជាតិចិនចំនួន១៦៨នាក់ ដែលត្រូវបានឃាត់ខ្លួន នៅទីតាំងផ្សេងៗគ្នា ពាក់ព័ន្ធនឹងករណីជំរិតទារប្រាក់តាមប្រព័ន្ធ Internet ត្រូវបានអាជ្ញាធរកម្ពុជា បញ្ជូនទៅកាន់ប្រទេសចិនវិញ នៅវេលាយប់រំលងអាធ្រាត ឈានចូលថ្ងៃទី១០វិច្ឆិកានេះ។
ប្រភពព័ត៌មានបានឲ្យដឹងទៀតថា ការរៀបចំបញ្ជូនជនជាតិចិនទាំងនេះ ដឹកនាំដោយអគ្គនាយកដ្ឋានអន្តោប្រវេសន៍ នៃក្រសួងមហាផ្ទៃ សហការជាមួយ នាយកដ្ឋានព្រហ្មទណ្ឌប្រទេសចិន។
សូមបញ្ជាក់ថា បន្ទាប់ពីធ្វើសន្និសីទកាសែតរួច ជនជាតិចិនទាំង១៦៨នាក់ ត្រូវបានបញ្ជូនទៅកាន់ប្រទេសចិនទាំងយប់ ដោយយន្តហោះពិសេស របស់ប្រទេសចិន ដើម្បីឲ្យសមត្ថកិច្ចចិនធ្វើការចាត់ចែងទៅតាមផ្លូវច្បាប់៕
