គ្រោះថ្នាក់ចរាចរណ៍ម្សិលមិញស្លាប់ មនុស្ស៧នាក់ និងរបួស ៩នាក់
សារព័ត៌មាន Cambodia News/
ភ្នំពេញ៖នៅថ្ងៃទី១១ ខែមករា ឆ្នាំ២០១៧ម្សិលមិញនេះមានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន១២លើក (យប់៨លើក) បណ្ដាលឲ្យមនុស្សស្លាប់៧នាក់ របួសធ្ងន់៤នាក់ និងរបួសស្រាល៥នាក់។ នេះបើយោងតាមរបាយការណ៍ ពីនាយកដ្ឋាននគរបាលចរាចរណ៍ និងសណ្ដាប់ធ្នាប់សាធារណៈ នៃអគ្គស្នងការដ្ឋាននគរបាលជាតិ។
របាយការណ៍ដដែលបញ្ជាក់ថា នៅក្នុងហេតុការណ៍ គ្រោះថ្នាក់ចរាចរណ៍១២ លើកនេះបណ្ដាលឲ្យខូតខាតយានយន្ដ សរុបចំនួន១៩គ្រឿង រួមមានម៉ូតូ ចំនួន១០គ្រឿង រថយន្ដធុនតូចចំនួន២គ្រឿង, រថយន្ដធុនធំ៦គ្រឿង និងកង១គ្រឿង។ មូលហេតុដែលបណ្ដាលឲ្យកើត មានគ្រោះថ្នាក់ចរាចរណ៍រួមមានល្មើសល្បឿន៦លើក, ស្រវឹង១លើក, មិនប្រកាន់ស្ដាំ១លើក, បត់គ្រោះថ្នាក់២លើក, ប្រជែង១លើក និងកត្តាយានយន្ដ១លើក។
គួរបញ្ជាក់ថារយៈ១១ថ្ងៃចាប់ពីថ្ងៃទី ០១ដល់ថ្ងៃទី១១ ខែមករា ឆ្នាំ២០១៧ គ្រោះថ្នាក់ចរាចរណ៍កើតឡើងចំនួន១៣៤លើក បណ្ដាលឲ្យមនុស្សស្លាប់៥៩នាក់ រងរបួសធ្ងន់ចំនួន១២៧ នាក់ និងរងរបួសស្រាលចំនួន ៦៩នាក់៕
