អាជ្ញាធរនឹងចាត់វិធានការរុះរើផ្ទាំងប៉ាណូផ្សាយពាណិជ្ជកាត់ទទឹងផ្លូវចេញ
សារព័ត៌មាន Cambodia News/
ភ្នំពេញ (០៤ មករា ២០១៧) ៖ ក្នុងឆ្នាំ២០១៧នេះរដ្ឋបាលរាជធានីភ្នំពេញនឹងមានវិធានការរុះរើរបាប៉ាណូផ្សាយពាណិជ្ជកម្មដែលដាក់កាត់ទទឹងផ្លូវចេទាំងអស់ក្នុងភូមិសាស្ត្ររាជធានីភ្នំពេញដោយផ្អែកតាមសេចក្តីណែនាំស្តីពីការកែតម្រូវនិងកែលម្អរឡើងវិញនូវផ្ទាំងផ្សព្វផ្សាយពាណិជ្ជកម្មទាំងអស់ក្នុងភូមិសាស្ត្ររាជធានីភ្នំពេញ។
នេះបើតាមការឲ្យដឹងពី លោក មានចាន់យ៉ាដា អភិបាលរងរាជធានីភ្នំពេញបានលើកឡើងបែបនេះក្នុងពេលប្រជុំជាមួយតំណាងនិងប្រធានក្រុមហ៊ុនផ្សាយពាណិជកម្មក្នុងរាជធានីភ្នំពេញកាលពីព្រឹកថ្ងៃទី៣ខែមករាឆ្នាំ២០១៧នៅរដ្ឋបាលរាជធានីភ្នំពេញ។
លោកអភិបាលរងរាជធានីភ្នំពេញបានឲ្យដឹងទៀតថា ៖ជារបត់ថ្មីក្នុងឆ្នាំ២០១៧ ការដាក់ផ្ទាំងប៉ាណូផ្សព្វផ្សាយពាណិជ្ជកម្មតាមទីសាធារណៈក្នុងរាជធានីភ្នំពេញត្រូវតែមានការកែលម្អរនិងត្រូវតែស្របតាមស្តង់ដារមួយច្បាស់លាស់ក្នុងចំណោមផ្ទាំងផ្សាយពាណិជ្ជកម្មសរុបចំនួន៣៦៤៤ផ្ទាំងដែលមានក្នុងរាជធានីភ្នំពេញជាប៉ាណូមានច្បាប់ឲ្យមានសណ្តាប់ធ្នាប់និងរបៀបរៀបរយរក្សាបាននូវបរិស្ថាននិងសោភណ្ឌភាពទីក្រុង៕
