ប្រមុខរាជរដ្ឋាភិបាលកំពុងនាំក្រុមគ្រួសារចូលរួមបុណ្យសមុទ្រ
សារព័ត៌មាន Cambodia News/
ភ្នំពេញ (២៣ ធ្នូ ២០១៦) ៖ សម្តេចតេជោ ហ៊ុន សែន នាយករដ្ឋមន្រ្តីនៃរាជរដ្ឋាភិបាលកម្ពុជានៅព្រឹកនេះបានចាកចេញពីរាជធានី ឆ្ពោះទៅកាន់ខេត្តព្រះសីហនុ ជាទីដែលរៀបចំបុណ្យសមុទ្រពីថ្ងៃទី២៣ ដល់ ថ្ងៃទី២៥ ខែ ធ្នូ ឆ្នាំ២០១៦នេះ ។
សម្តេចតេជោ ហ៊ុន សែន បានចែករំលែកតាមបណ្តាញសង្គមថា នៅថ្ងៃនេះ ខ្ញុំនិងភរិយា បានធ្វើដំណើរមកកាន់ខេត្តព្រះសីហនុ ដើម្បីចូលរួមអបអរសាទរក្នុងពិធីបុណ្យសមុទ្ររបស់ប្រទេសកម្ពុជា ដែលនឹងធ្វើឡើងនៅថ្ងៃទី ២៣-២៥ ខែធ្នូ ឆ្នាំ ២០១៦ នៅឆ្នេរសមុទ្រខេត្តព្រះសីហនុ។
បុណ្យសមុទ្រគឺកម្ពុជាយើងបានប្រារព្ឋធ្វើជារៀងរាល់ឆ្នាំចំពោះខេត្តដែលស្ថិតជាប់តំបន់ឆ្នេរសមុទ្រមានដូចជា ខេត្តព្រះសីហនុ ខេត្តកោះកុង ខេត្តកំពត និងខេត្តកែប ដែលត្រូវប្តូរវេនគ្នាមួយឆ្នាំម្តងៗ។
សម្តេចតេជោ ហ៊ុន សែន បានប្រកាសបន្តទៀតថា ខ្ញុំ និងភរិយា សូមអញ្ជើញបងប្អូនជនរួមជាតិចូលរួមសប្បាយរីករាយនៅក្នុងពិធីបុណ្យសមុទ្រនេះទាំងអស់គ្នា ដើម្បីគាំទ្រ និងលើកស្ទួយវិស័យទេសចរណ៍ដ៏មានសក្តានុពលនៅតំបន់ភូមិភាគនារតី នៃព្រះរាជាណាចក្រកម្ពុជាយើង៕
