ជប៉ុនព្រមានពីរលកយក្សស៊ូណាមិ ក្រោយរញ្ជួយដីកម្រិត ៧,៣រ៉ិចទ័រ
សារព័ត៌មាន Cambodia News/
ជប៉ុន (២២ វិច្ឆិកា ២០១៦) ៖ ទីភ្នាក់ងារឧតុនិយមជប៉ុនបាននិយាយថា ការរញ្ជួយដីមានកម្រិតបឋម ៧,៣រ៉ិចទ័របានអង្រួនភាគខាងជើងប្រទេសជប៉ុនកាលពីព្រឹកថ្ងៃអង្គារនេះ ទីភ្នាក់ងារបានបញ្ចេញការកើនរំលឹកពីរលកស៊ូណាមិ សម្រាប់តំបន់ភាគខាងជើងឆ្នេរសមុទ្រប៉ាស៊ីហ្វិករបស់ប្រទេសនេះ។
ដំបូងឡើយមជ្ឈមណ្ឌលភូគព្ភសាស្ត្រអាមេរិកបានដាក់កម្រិតរញ្ជួយ ៧,៣រ៉ិចទ័រ ប៉ុន្តែក្រោយមកបានទម្លាក់មកត្រឹម ៦,៩រ៉ិចទ័រវិញ។ ទីភ្នាក់ងារខាងលើនិយាយថា ចំណុចកណ្ដាលនៃការរញ្ជួយដែលបានអង្រួនក្នុងទីក្រុងតូក្យូ ស្ថិតនៅក្បែរតំបន់ឆ្នេរនៃខេត្ត Fukushima មានជម្រៅប្រមាណ ១០គីឡូម៉ែត្រ។ មិនមានរបាយការណ៍ពីការខូចខាត ឬមនុស្សរងរបួសទេភ្លាមៗក្រោយរញ្ជួយដីនេះ។
ចំណែកលោកនាយករដ្ឋមន្ត្រីជប៉ុន ហ្ស៊ីនហ្ស៊ូ អាបេ ដែលបច្ចុប្បន្នមានវត្តមានក្នុងប្រទេសអាហ្សង់ទីនបាននិយាយថា រដ្ឋាភិបាលនឹងប្រកាសព័ត៌មានអំពីរលកស៊ូណាមិ ឬជម្លៀសប្រជាពលរដ្ឋឲ្យបានទាន់ពេលវេលា និងប្រមូលព័ត៌មានទាក់ទងការខូចខាតឲ្យបានឆាប់រហ័ស ដើម្បីកំណត់ពីកិច្ចខិតខំប្រឹងប្រែងខ្លាំងក្លាបំផុតរបស់ពួកលោកក្នុងការឆ្លើយតប ដើម្បីសង្គ្រោះបន្ទាន់៕
