ខួប៦ឆ្នាំនៃការស្លាប់លើស្ពានពេជ្រនឹងធ្វើឡើងនៅថ្ងៃ២២ វិច្ឆិកា ខាងមុខនេះ
សារព័ត៌មាន Cambodia News/
ភ្នំពេញ (១៨ វិច្ឆិកា ២០១៦) ៖ សាលារាជធានីភ្នំពេញនឹងរៀបចំពិធីសូត្រមន្ត បង្សុកូលរាប់បាត្រ ដើម្បីឧទ្ទិសកុសលផលបុណ្យជូន វិញ្ញាណក្ខន្ធជនរងគ្រោះ ដែលបានស្លាប់នៅលើស្ពានពេជ្រ កាលពីថ្ងៃទី២២ ខែវិច្ឆកា ឆ្នាំ២០១០ នៅព្រឹកថ្ងៃទី២២ ខែវិច្ឆិកា ឆ្នាំ២០១៦ ខាងមុខនេះ។
យោងតាមសេចក្តីជូនដំណឹងរបស់សាលារាជធានីភ្នំពេញ ដែលចេញនៅថ្ងៃទី១៧ ខែវិច្ឆកា បានអោយដឹងថា ពិធីនេះនឹងចាប់ផ្តើមនៅវេលាម៉ោង ០៧៖០០ នឹងមានកាចូលរួមពីសំណាក់ ឯកឧត្តមប៉ា សុជាតិវង្ស អភិបាលរាជ ធានីភ្នំពេញ។ ពិធីសូត្រម ន្ត បង្សុកូល នេះនឹងមានការរាប់បាត្រ និងប្រគេនទេយ្យវត្ថុដល់ព្រះសង្ឃចំនួន១០៨អង្គ នៅស្តូបក្បែរស្ពាននាគ នៃទីក្រុងកោះពេជ្រ។
គួរបញ្ជាក់ថា កាលពីយប់ថ្ងៃទី២២ ខែ វិច្ឆិកា ឆ្នាំ២០១០ ដែលជាថ្ងៃបញ្ចប់ព្រះរាជពិធីបុណ្យអុំទូក បណ្ដែតប្រទីប អកអំបុក និងសំពះព្រះខែ មានឧបទ្ទវហេតុរត់ជាន់គ្នានៅលើស្ពានពេជ្រនៃតំបន់កោះពេជ្រដែលបណ្តាលឲ្យមនុស្ស យ៉ាងហោចណាស់ ៣៤៩នាក់ ស្លាប់បាត់បង់ជីវិត និងជាង ៧០០នាក់ ទៀតបានរងរបួស។ ក្រោយកើតហេតមិនប៉ុន្មានខែផង ស្ពានពេជ្រនៅក្នុងទីក្រុង កោះនោះក៏ត្រូវបានគេរុះចោលផងដែរ៕
