សម្តេចតេជោ៖ អាចារ្យដែលមានចំណេះដឹងផ្តល់ទំនុកចិត្តដល់ពលរដ្ឋ
សារព័ត៌មាន Cambodia News/
ភ្នំពេញ (១៧ វិច្ឆិកា ២០១៦) ៖ នាព្រឹកថ្ងៃទី១៧ ខែវិច្ឆិកា នេះ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា នឹងអញ្ជើញសំណេះសំណាលជាមួយ អាចារ្យ អាចារិនីទូទាំងប្រទេស នៅសាលចតុមុខ រាជធានីភ្នំពេញ។
សម្តេចតេជោ នាយករដ្ឋមន្ត្រី បញ្ជាក់ថា នេះគឺជាជួបជុំប្រចាំឆ្នាំរបស់អាចារ្យ និងអាចារិនីទូទាំងប្រទេស ដើម្បីលើកកម្ពស់សមត្ថភាពយល់ដឹងអំពី ក្បួនច្បាប់ក្រឹតក្រមអាចារ្យជាគោលដែលមានការឯកភាពរួម និងដើម្បីលើកកម្ពស់ការយល់ដឹងលើកម្រិតវប្បធម៌ ប្រពៃណី ទំនៀមទម្លាប់ខ្មែរបន្ថែមដល់អាចារ្យ និងអាចារិនីទាំងអស់ដែលទទួលបានការបណ្តុះបណ្តាល ពីសមាគមអាចារ្យខ្មែរ ។
សម្តេចតេជោបន្តថា ការជួបជុំថ្ងៃនេះគឺដើម្បីឲ្យមានឱកាសផ្លាស់ប្តូរមតិយោបល់ និងបានចែករំលែកនូវចំណេះដឹង ដល់គ្នាទៅវិញទៅមក ដើម្បីពង្រឹងសមត្ថភាពចំណេះដឹងទូទៅរបស់អាចារ្យ និងអារិនីឲ្យកាន់តែល្អ មានទំនុកចិត្ត និងទទួលយកបានក្នុងការ បម្រើកិច្ចការអាចារ្យនៅក្នុងប្រទេស៕
