សម្តេច ហ៊ុន សែន ៖ បើគ្មានការតស៊ូរបស់សម្តេចឪ កម្ពុជានឹងគ្មានឯករាជ្យឡើយ
សារព័ត៌មាន Cambodia News/
ភ្នំពេញ (០៩ វិច្ឆិកា ២០១៦) ៖ សម្តេចអគ្គមហាសេនាបតីតេជោ ហ៊ុន សែន បានសរសេរនៅលើបណ្តាញទំនាក់ទំនងសង្គមបង្ហោះនៅប៉ុន្មាននាទីមុននេះ ដោយបញ្ជាក់ថា «ខ្ញុំព្រះករុណាខ្ញុំ សូមអរបអរសាទខួបទី៦៣ នៃទិវាបុណ្យឯករាជ្យជាតិ (០៩ វិច្ឆិកា ១៩៥៣- ០៩ វិច្ឆិកា២០១៦) ដែលបានប្រារព្ឋធ្វើនៅវិមានឯករាជ្យមុននេះបន្តិច។
គ្មានការតស៊ូទាមទារឯករាជ្យពីព្រះបិតាអតីតព្រះមហាក្សត្រខ្មែរ សម្តេចព្រះ នរោត្តម សីហនុ ពីអាណានិគមបារាំងបានទេ កម្ពុជានឹងគ្មានឯករាជ្យឡើយ ។ ប្រជារាស្រ្តទូទាំងប្រទេស សូមចងចាំ និងដឹងគុណជានិច្ចនូវព្រះរាជបូជនីយកិច្ចជាប្រវត្តិសាស្រ្ត ដែលព្រះមហាក្សត្រកម្ពុជាបានលះបង់ដើម្បីប្រទេសជាតិយើងទាំងមូល។
ខ្ញុំព្រះករុណា ខ្ញុំសូមប្រគេននិងជូនពរដល់ព្រះសង្ឃ និងបងប្អូនជនរួមជាតិទូទាំងប្រទេស ទទួលនូវពុទ្ឋពរ៤ ប្រការគឺអាយុ វណ្ណៈ សុខៈ និងពលៈនៅក្នុងថ្ងៃប្រវត្តិសាស្រ្តដ៏វិសេសវិសាលនេះ៕
