ឃាត់ខ្លួនជនសង្ស័យម្នាក់ពីបទចាប់រំលោភក្មេងស្រីអាយុ៤ឆ្នាំ
សារព័ត៌មាន Cambodia News/
កណ្តាល (០៨ វិច្ឆិកា ២០១៦) ៖ បុរសម្នាក់ត្រូវបាននគរបាលប៉ុស្តិ៍រដ្ឋបាលឃុំឈើទាល ចាប់ឃាត់ខ្លួនដោយមានពាក្យបណ្តឹងពីក្រុមគ្រួសារជនរងគ្រោះថា បានចាប់រំលោភចៅស្រីរបស់គាត់អាយុ០៤ឆ្នាំ។ ហេតុការណ៍ចាប់ឃាត់ខ្លួនជនសង្ស័យរូបនេះ បានកើតឡើងកាលពីវេលាម៉ោង២២ និង៤៩នាទី នៅផ្ទះជនសង្ស័យ ក្នុងភូមិឈើទាល ឃុំឈើទាល ស្រុកកៀនស្វាយ ខេត្តកណ្តាល។
ជនសង្ស័យមានឈ្មោះ ផន អាត ភេទប្រុស អាយុ៣៣ឆ្នាំ មុខរបរកសិករមានទីលំនៅភូមិនិងឃុំកើតហេតុខាងលើ ។ ចំណែកក្មេងស្រីរងគ្រោះអាយុ០៤ឆ្នាំ មានទីលំនៅភូមិនិងឃុំកើតហេតុខាងលើ(ជិតផ្ទះជនសង្ស័យ) ។
លោកនាយប៉ុស្តិ៍នគរបាលរដ្ឋបាលឃុំឈើទាលបានឲ្យដឹងថា នៅថ្ងៃកើតហេតុម្តាយជនរងគ្រោះបានទុកកូនឲ្យជីដូនមើលថែដោយខ្លួនធ្វើការនៅរោងចក្រកាត់ដេរឯភ្នំពេញ ។ ចំណែកជីដូនបានទៅបង្រៀនសិស្សនៅសាលារៀនទុកចៅឲ្យនៅផ្ទះជាមួយមីងពេលជីដូនត្រឡប់មកដល់ផ្ទះវិញស្រាប់តែឃើញចៅដេកអស់កំលាំងខុសពីធម្មតាជីដូនបានសួរចៅស្រីថា អ្នកណាធ្វើអីចៅ ជនរងគ្រោះឆ្លើយថាប៉ាបងលីន(ជនសង្ស័យមានឈ្មោះខាងលើ)ជាអ្នកចាប់រំលោភ។
លោកនាយប៉ុស្តិបានបន្តទៀតថាក្រោយពីបានដឹងពណ៍មាននេះភ្លាមជីដូននិងម្តាយគ្មេងរងគ្រោះបានទៅដាក់ពាក្យបណ្តឹងនៅវេលាម៉ោង២២និ៤៩នាទីថ្ងៃខែដដែលអោយជួយអន្តរាគមន៍។
ពេលទទួលបានពាក្យបណ្តឹងពីឈ្មោះ សុខ ម៉ារី ភេទស្រី អាយុ២៥ឆ្នាំ (ម្តាយជនរងគ្រោះ) មានទីលំនៅភូមិនិងឃុំកើតហេតុខាងលើក្នុងករណីរំលោភសេពសន្ថវៈកើតនៅថ្ងៃទី០៧ ខែវិច្ឆិកា ឆ្នាំ២០១៦ នៅវេលាម៉ោង១៥ និង៤០នាទីនៅចំណុចផ្ទះជនសង្ស័យក្នុងភូមិនិងឃុំកើតហេតុខាងលើរួចកំលាំងប៉ុស្តិនគរបាលឈើទាលបានចុះទៅនាំខ្លួនជនសង្ស័យមកប៉ុស្តិ៍ធ្វើការសាកសួរនៅចំពោះមុខសមត្ថកិច្ចជនសង្ស័យមិនបានសារភាពថា ខ្លួនជាអ្នកប្រព្រឹត្តទេ។ បច្ចុប្បន្នជនសង្ស័យបានបញ្ចូនមកអធិការដ្ឋាននគរបាលស្រុកដើម្បីបន្តចាត់ការតាមនីតិវិធី៕
