សម្តេចតេជោ មិនឲ្យហ្វេសបុកឈ្មោះBan Sokack ចូលក្នុងផេកតទៅទៀត

សារព័ត៌មាន​ Cambodia News/

ភ្នំពេញ (០៤ វិច្ឆិកា ២០១៦) ៖ នៅព្រឹកថ្ងៃនេះក្នុងសារហ្វេសបុក របស់សម្តេចតេជោហ៊ុនសែន បានរំលឹកថា កូនប្រុសដ៏កំសត់របស់ពុក នៅ​សល់​តែ​ប៉ុន្មាន​ថ្ងៃ​ទៀត​ទេ​គឺដ​ល់ខួប ៤០ឆ្នាំ នៃការស្លាប់យ៉ាងវេទនារបស់កូន នៅក្នុងរបបប្រល័យពូជសាសន៍ប៉ុលពត (១០ វិច្ឆិកា ១៩៧៦-១០ វិច្ឆិកា ២០១៦)។

ពុក និងម៉ែកូន មិនដែលភ្លេចទេនូវសោកនាដកម្មដែលបានកើតឡើងចំពោះរូបកូន ព្រមទាំងពុកនិងម៉ែនោះទេ។ការរៀប ចំឡើងនូវផ្នូររបស់កូន និងចម្រៀង “អនិច្ចារ​កូនកំសត់ប្រវត្តិម្ដាយកម្ម” “ទំនួញកំសត់ប្រវត្តិវិទ្យាល័យ” និង “ព្រលឹងកំសត់” ដែលពុកម៉ែបានធ្វើឡើងក្នុងបំណងរំលឹកដល់វិញ្ញាណក្ខ័ន្ឋកូន និង​ការ​ឈឺចាប់នាពេលនោះ។

បន្ទាប់ពីសម្តេចបង្ហោះបានតែប៉ុន្មាននាទី  ហ្វេសបុកមួយដែលមានឈ្មោះថា Khan Sovan បានសួរទៅកាន់សម្តេចតេជោជាសារវិជ្ជមានថា កូនប្រុសច្បងនេះ គេមានឆ្នាំអ្វីដែរសម្តេច?

រោងឬម្សាញ់? បើសិនជាគេនៅរស់ តើគេអាចមានអាយុប៉ុន្មានដែរទៅ សម្តេច?

ហ្វេសបុកSamdech Hun Sen, Cambodian Prime Minister ឆ្លើយតបថា កូននេះកើតឆ្នាំរោង ឆុងឆ្នាំជាមួយខ្ញុំ។ប្រសិននៅរស់ គេអាយុ៤០ឆ្នាំហើយ។

ប៉ុន្តែមានហ្វេសបុកមួយទៀតឈ្មោះថា Ban Sokack បានសួរទៅកាន់សម្តេចជាសារអវិជ្ជមានថា ចុះ​សម្តេច​មិន​ទៅ​គោរពវិញ្ញាណ​ខណ្ឌ​អ្នក​ដែល​បាន​ស្លាប់​ជាង​៣​លាន​នាក់​ផង

ហ្វេសបុកSamdech Hun Sen, Cambodian Prime Ministerឆ្លើយតបថា សំដីព្រហើន។រៀងរាល់ឆ្នំាថ្ងៃ៧មករា គឺជាថ្ងៃគោរពវិញ្ញាណខណ្ឌនោះហើយ។ បើលោកចង់បង្ករហេតុលោកមិនអាចចូលមកក្នុងផេកខ្ញុំបានទៀតទេ៕