ស្លាប់ ២នាក់ របួសធ្ងន់ស្រាល៨៣នាក់ក្នុងគ្រោះថ្នាក់ចរាចរណ៍ម្សិលមិញ
សារព័ត៌ Cambodia News/
ភ្នំពេញ (០៣ វិច្ឆិកា ២០១៦) ៖ នៅថ្ងៃទី០២ ខែវិច្ឆិកា ឆ្នាំ២០១៦ម្សិលមិញនេះមានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន៧លើក បណ្តាលឲ្យមនុស្សស្លាប់២នាក់ របួសធ្ងន់១៤នាក់ និងរបួសស្រាល៦៩នាក់។នេះបើយោងតាមរបាយការណ៍នាយកដ្ឋានសណ្ដាប់ធ្នាប់ នៃអគ្គស្នងការដ្ឋាននគរបាលជាតិ។
របាយការណ៍ដដែលបន្តថា នៅក្នុងហេតុការណ៍ គ្រោះថ្នាក់ចរាចរណ៍៧លើកនេះ បណ្តាលឲ្យខូចខាតយានយន្ដសរុបចំនួន១២គ្រឿង រួមមានម៉ូតូចំនួន៥គ្រឿង, រថយន្ដធុនតូច៣គ្រឿង, រថយន្ដធុនធំ៤គ្រឿង និងអ្នកថ្មើជើង២នាក់។
របាយការណ៍បញ្ជាក់ថា មូលហេតុដែលបណ្តាលឲ្យ កើតមានករណីគ្រោះថ្នាក់ចរាចរណ៍រួមមាន ល្មើសល្បឿន២លើក, មិនគោរពសិទ្ធិ២លើក, ប្រជែង២លើក និងស្រវឹង១លើក៕
