សម្តេចតេជោ៖ ជ័យជម្នះនាយប់នេះជាសមត្ថភាពនិងការរីកចម្រើនវិស័យកីឡានៅកម្ពុជា
សារព័ត៌មាន Cambodia News/
ភ្នំពេញ (១០ តុលា ២០១៦) ៖ សម្តេចតេជោ ហ៊ុន សែន បានផ្ញើរសារពីទីក្រុងបាងកកប្រទេសថៃ តាមទំព័រហ្វេសបុកនាយប់ម្សិលមិញ ថា ជ័យជំនៈរបស់ក្រុមកីឡាបាល់ទាត់កម្ពុជាឈ្នះកីឡាបាល់ទាត់ប្រទេសស្រីលង្កា (Sri Lanka) ៤-០ នៅក្នុងការប្រកួតមិត្តភាពអន្តរជាតិ គឺបានបង្ហាញនូវសមត្ថភាព និងការរីកចម្រើននៃវិស័យកីឡានៅកម្ពុជា។
សម្តេចតេជោ បញ្ជាក់ថា សម្តេចបានតាមដានការប្រកួតនេះយ៉ាងយកចិត្តទុកដាក់ពីទីក្រុងបាងកកប្រទេសថៃ។ ជាមួយគ្នានេះ សម្តេចបានប្រកាដចូលរួមឧបត្ថម្ភលើកទឹកចិត្តដល់កីឡាករខ្មែរនិងគ្រូបង្វឹក ក្នុងម្នាក់ៗនូវទឹកប្រាក់ចំនួន $1,000 (មួយពាន់ដុល្លារ) ដែលនឹងប្រគល់ជូនដោយ ឯកឧត្តម នាយឧត្តមសេនីយ៍ សៅ សុខា។
ជាចុងក្រោយ ប្រមុខដឹកនាំកម្ពុជា បានថ្លែងអរគុណដល់ជនរួមជាតិ ជាពិសេសយុវជន ដែលតែងតែចូលរួមគាំទ្រលើកទឹកចិត្តកីឡាករកម្ពុជាយើងទាំងអស់គ្នាក្នុងការលើកតម្កើង វិស័យកីឡាជាតិអោយកាន់តែរីកលូតលាស់ខ្លាំងឡើង៕
