៦០នាក់ បានស្លាប់ក្នុងការវាយប្រហារដោយរថយន្តបំផ្ទុះគ្រាប់បែកអត្តឃាតនៅអាដែន
សារព័ត៌មាន Cambodia News/
យេមែន (៣០ សីហា ២០១៦) ៖ ក្រុមគ្រូពេទ្យបានអះអាងថា មនុស្សយ៉ាងហោច ៦០នាក់ត្រូវបានសម្លាប់ ដោយសារការបំផ្ទុះរថយន្តបង្កប់គ្រាប់បែកអត្តឃាត មកលើទីតាំងយោធាមួយកន្លែងនៅទីក្រុងភាគខាងត្បូងអាដែនប្រទេសយេមែន។
ជំរុំហ្វឹកហាត់ដែលប្រើប្រាស់ដោយក្រុមតស៊ូគាំទ្រដោយរដ្ឋាភិបាល បានរងការវាយប្រហារហើយពួករដ្ឋអ៊ីស្លាមបានអះអាងថា ខ្លួនគឺជាអ្នកបើកការវាយប្រហារ។
ការវាយប្រហារនេះដែរបានកើតមានឡើង ស្របពេលដែលមានកិច្ចខិតខំថ្មី ដើម្បីបញ្ចប់សង្គ្រាមអូសបន្លាយពេល ១៧ខែ រវាងរដ្ឋាភិបាលគាំទ្រដោយអារ៉ាប៊ីសាអូឌីត និងក្រុមឧទ្ទាមហ៊ូឌី៕
