សម្តេចតេជោ ចេញថ្លៃព្យាបាលអ្នកជំងឺម្នាក់នៅមន្ទីរពេទ្យកាល់ម៉ែត
សារព័ត៌មាន Cambodia News/
ភ្នំពេញ (១៨ សីហា ២០១៦) ៖ សម្ដេច បានបញ្ជាក់នៅលើទំព័រហ្វេសប៊ុកថា “ថ្មីៗនេះ ខ្ញុំបានឃើញសាធារណៈជន បង្ហោះសំណូមពរ និងកូនស្រីឈ្មោះ ផៃ មុន្នីវីរ៉ាត់ Comment នៅលើ Facebookខ្ញុំសុំការសណ្ដោសឲ្យជួយ ព្យាបាលជម្ងឺឪពុកឈ្មោះ សូ មុន្នីរ័ត្ន ដែលកំពុងមានជំងឺបេះដូង។ ភ្លាមៗនោះខ្ញុំក៏បានបញ្ជូនក្រុមការងារ ចុះទៅពិនិត្យផ្ទាល់នៅមន្ទីរពេទ្យកាល់ម៉ែត្រ”។
ភ្លាមៗនោះសម្តេចបានបញ្ជូនក្រុមការងារ ចុះទៅពិនិត្យផ្ទាល់ នៅមន្ទីរពេទ្យកាល់ម៉ែត្រកាលពីថ្ងៃអាទិត្យកន្លងទៅ។ ហើយឥឡូវនេះស្ថានភាពអ្នកជំងឺ ស្ថិតក្នុងសភាពធម្មតា ដែលក្រុមគ្រូពេទ្យកំពុងយកចិត្តទុកដាក់តាមដានជាប្រចាំ។ ដោយឡែកចំពោះការចំណាយសម្តេចតេជោ ហ៊ុន សែនជាអ្នកចំណាយទាំងស្រុង។
សម្ដេច បន្ដថា “ចាប់តាំងពីអ្នកជម្ងឺដែលជាឪពុករបស់កូនស្រី បានចូលមកសម្រាកព្យាបាលកាលពីថ្ងៃអាទិត្យកន្លងមកនេះគឺត្រូវបានទទួល ការយកចិត្តទុកដាក់ ព្យាបាលមើលថែទាំពីក្រុមគ្រូពេទ្យស្ម័គ្រចិត្ត សម្ដេចតេជោ (TYDA)។
ស្ថានភាពអ្នកជំងឺពេលនេះគឺស្ថិតក្នុងសភាពធម្មតាដែលក្រុមគ្រូពេទ្យ កំពុងយកចិត្តទុកដាក់តាមដានជាប្រចាំ។ ខ្ញុំសូមជម្រាបថាការចំណាយទាំងស្រុង សម្រាប់ព្យាបាលអ្នកជំងឺគឺមិនតម្រូវអោយក្រុមគ្រួសារបង់ប្រាក់ឡើយ ”៕
