ចាប់ពីថ្ងៃទី៧ ដល់ទី១៤ ខែសីហាកម្ពុជានឹងមានភ្លៀងធ្លាក់ពីបង្គួរទៅច្រើន
សារព័ត៌មាន Cambodia News/
ភ្នំពេញ (០៥ សីហា ២០១៦) ៖ យោងតាមការព្យាករណ៍របស់ក្រសួង ធនធានទឹក និងឧតុនិយមបានឲ្យដឹងថា ប្រទេសកម្ពុជា នឹងរងនូវប្រព័ន្ធសម្ពាធទាបមួយចាប់ពីថ្ងៃទី៧ ដល់ទី១៤ ខែសីហា ឆ្នាំ២០១៦ ខាងមុខនេះ ដែលនឹងធ្វើឱ្យមានភ្លៀងធ្លាក់១សប្តាហ៍។
១សប្តាហ៍នេះ ភ្លៀងអាចធ្លាក់ជាបន្តបន្ទាប់នៅតំបន់មាត់សមុទ្រ ហើយតំបន់វាលទំនាប និងតំបន់ខ្ពង់រាប នឹងមានភ្លៀងធ្លាក់ពីបង្គួរទៅច្រើន។
ជាមួយគ្នានោះក្រសួងបាន បញ្ជាក់ថា ផ្លូវជាតិលេខ៤ក៏អាចរងនូវជំនន់ទឹកភ្លៀង ហើយតំបន់ឆ្នេរ និងលើផ្ទៃសមុទ្រ នឹងមានខ្យល់បក់ខ្លាំង ទន្ទឹមនោះក្រសួងក៏អំពាវនាវឱ្យប្រជាពលរដ្ឋ ជាពិសេសអ្នកធ្វើដំណើរតាមសមុទ្រ ត្រូវមានការប្រុងប្រយ័ត្នខ្ពស់ផងដែរ៕
