ខឹងមិត្តស្រីមានសង្សារច្រើន ហៅនាងមកឱ្យគេរំលោភបូកសងសឹក
សារព័ត៌មាន Cambodia News/
កណ្តាល (០២ សីហា ២០១៦) ៖ ជនសង្ស័យ៥នាក់ត្រូវកម្លាំងនគរបាលស្រុកស្អាងឃាត់ខ្លួន ពាក់ព័ទ្ធករណីរំលោភបូកលើនារីម្នាក់រហូតសន្លប់ កាលពីយប់ថ្ងៃទី០១ សីហា ២០១៦ ស្ថិតត្រង់ចំណុចចំការស្វាយ ក្នុងភូមិរកាលើ ឃុំខ្ពប ស្រុកស្អាង ខេត្តកណ្តាល ។
ប្រភពឱ្យដឹងថា យប់កើតហេតុ ជនសង្ស័យបានទូរស័ព្ទទៅនារីជាសង្សារ ដើម្បីណាត់គ្នារួមរ័ក ត្រូវនាងយល់ព្រម ក៏ធ្វើដំណើរ ស្រាប់តែមកជួបជាមួយក្រុមជនសង្ស័យទាំងនោះ ក៏បានចាប់ស្រាតខោនារីរងគ្រោះរំលោភសេពសន្ថវៈបានសម្រេចមុនគេ បន្ទាប់មកជនសង្ស័យចុងក្រោយកំពុងរំលោភសេពសន្ថវៈនារីរងគ្រោះសន្លប់ ក៏បញ្ឈប់សកម្មភាព។
បន្ទាប់មកជនសង្ស័យ បានឌុបនារីរងគ្រោះ សំដៅមកឆ្លងដរចុងកោះវិញ ក៏ជួបជាមួយសមត្ថកិច្ចនគរបាលស្រុកស្អាង បានអន្តរាគមន៍ និងធ្វើការឃាត់ខ្លួនជនសង្ស័យខាងលើ ចំណែកនារីរងគ្រោះត្រូវបានបញ្ជូនមកព្យាបាលនៅមន្ទីរពេទ្យឃុំតាលន់ ។
នគរបាលខេត្តកណ្តាលបានបញ្ជាក់ថា ករណីរំលោភបូកនេះ គឺកើតឡើងដោយសារជនសង្ស័យឈ្មោះរ៉េត រដ្ឋា ខឹងមិត្តស្រីរបស់ខ្លួន ដែលជានារីរងគ្រោះមានសង្សារច្រើនពេក ក៏រៀបគម្រោងណាត់នាង និងណាត់គូកន មកចាប់រំលោភនាង ។ តែរំលោភ៣នាក់ ត្រូវនាងសន្លប់ភ័យពេក ក៏នាំគ្នាដឹកនាងយកទៅចោល ក៏ជួបសមត្ថកិច្ចកំពុងល្បាតសង្ស័យបានឃាត់ខ្លួនទាំង៥នាក់ ៕
