សម្តេច ហ៊ុន សែន ៖ ប្រជាពលរដ្ឋនឹងបន្តគំាទ្រខ្ញុំជានាយករដ្ឋមន្រ្តី
សារព័ត៌មាន Cambodia News/
កំពង់ស្ពឺ (០២ សីហា ២០១៦) ៖ សម្តេចអគ្គមហាសេនាបតីតេជោ ហ៊ុន សែន បានមានប្រសាសន៍នៅប៉ុន្មាននាទីមុននេះថា «ប្រជាពលរដ្ឋនៅខេត្តកំពង់ស្ពឺ និងនៅតាមបណ្តាខេត្តដទៃទៀត នឹងបន្តគំាទ្របោះឆ្នោតជូនគណបក្សប្រជាជនកម្ពុជា ដើម្បីឲ្យខ្ញុំព្រះករុណាខ្ញុំធ្វើនាយករដ្ឋមន្រ្តីដឹកនំាប្រទេសបន្ត ទៀត ។
សម្តេចប្រមុខរាជរដ្ឋាភិបាលមានប្រសាសន៍ខាងលើបែបនេះ បានធ្វើឡើងនៅព្រឹកថ្ងៃទី០២ សីហា ២០១៦ ក្នុងឱកាសដែលសម្តេចអញ្ជើញ ជាអធិបតីភាពសម្ពោធដាក់ឱ្យប្រើប្រាស់ផ្លូវជាតិលេខ ៤៤ នៅក្នុងខេត្តកំពង់ស្ពឺ ។
កំណាត់ផ្លូវជាតិនេះ មានប្រវែង១៣៨,៦១គីឡូម៉ែត្រ ដែលត្រូវបានសាងសង់ដោយក្រុមហ៊ុនសាជីវកម្មស្ពាន និងថ្នល់ចិន និងត្រួតពិនិត្យបច្ចេកទេសដោយក្រុមហ៊ុនសំណង់ ក្វាងចូវវ៉ានអានរបស់ប្រទេសចិន។
គម្រោងស្តារឡើងវិញ កំណាត់ផ្លូវជាតិលេខ៤៤ ក្នុងខេត្តកំពង់ស្ពឺ ចាប់ផ្តើមត្រង់គីឡូម៉ែត្រលេខ៤៨ លើផ្លូវជាតិលេខ៤ ឆ្លងកាត់ក្រុងច្បារមន និងស្រុកចំនួន៤ របស់ខេត្តកំពង់ស្ពឺ ក្នុងនោះមាន ស្រុកសំរោងទង ឱរ៉ាល់ ថ្ពង និងស្រុកឧត្តុង្គ តភ្ជាប់ទៅផ្លូវជាតិលេខ៥ ត្រង់គីឡូម៉ែតលេខ៣៩ ៕
