សមាគមឧស្សាហកម្មថ្នាំជក់កម្ពុជា ចេញសារព្រមានដល់ផលិតផលថ្នាំជក់
សារព័ត៌មាន Cambodia News/
ភ្នំពេញ (២១ កក្កដា ២០១៦) ៖ កាលពីពេលថ្មីៗមកនេះ សមាគមឧស្សហកម្មថ្នាំជក់កម្ពុជា (ATIC) បានចេញសេចក្ដីប្រកាសជាផ្លូវការមួយដល់គ្រប់ផលិតផលថ្នាំជក់ ទាំងអស់ ត្រូវបោះពុម្ពសារព្រមានសុខភាពជាភាសាខ្មែរ និងរូបភាពនៅលើកញ្ចប់បារី យ៉ាងហោចណាស់ ក៏៥០%ដែរ ។
ជាមួយ នឹងសេចក្តីប្រកាសនេះ គេសង្ឃឹមថា កញ្ចប់ផលិតផលថ្នាំជក់ថ្មី ដែលមានសារព្រមានសុខភាពជាភាសាខ្មែរ នឹងមានវត្តមាននៅលើទីផ្សារក្នុងរយៈពេលប៉ុន្មានខែខាងមុខនេះ ដោយមូលហេតុថា ស្តុកចាស់មួយចំនួន បានដាក់លក់នៅលើទីផ្សាររួចទៅហើយ ។
ជាមួយគ្នានោះ ឧស្សហកម្មថ្នាំជក់កម្ពុជា សូមបញ្ជាក់ជូនដល់ពាណិជ្ជករ ក៏ដូចជាអតិថិជនទាំងអស់ថា លក្ខណសម្បត្តិ និងគុណភាពរបស់ផលិតផលថ្នាំជក់ មិនមានការកែប្រែឡើយ ៕
