អាជ្ញាធរអូស្រ្ដាលីចាប់បានគ្រឿងញៀនជាងកន្លះតោន
ប៉ូលិសសហព័ន្ធអូស្រ្ដាលីនិយាយថា ពួកគេបានកម្ទេចក្រុមជួញដូរគ្រឿងញៀនមួយក្រុមដោយបានរឹបអូសយកគ្រឿងញៀនច្រើនជាងគេបំផុតដែលអាជ្ញា ធរធ្លាប់ចាប់បាន។
មនុស្ស៤នាក់ពីហុងកុង និង៣នាក់ទៀតជាជនជាតិអូស្រ្ដាលីត្រូវអាជ្ញាធរចាប់ខ្លួននៅក្នុង កណ្ដាលទីក្រុង និងនៅប៉ែកខាងលិចក្រុងស៊ីដនីយកាលពីម្សិលមិញ។
ជនទាំងនេះកំពុងស្ថិតនៅក្នុងការឃុំខ្លួនរបស់អាជ្ញាធរដើម្បីរង់ចាំឡើងតុលាការនៅថ្ងៃនេះ។
មន្រ្ដី គយ និងប៉ូលិសសហព័ន្ធបានរឹបអូសយកគ្រឿងញៀនទឹកកក និងហេរ៉ូអ៊ីនជាងកន្លះតោននៅក្នុងការស៊ើបអង្កេតរបស់អាជ្ញាធរ។
ប៉ូលិសនិយាយថា គ្រឿងញៀនទាំងនោះភាគច្រើនត្រូវអាជ្ញាធររកឃើញនៅក្នុងការដឹកជញ្ជូនផើងរុក្ខជាតិកាលពីដើមខែនេះ៕ (Radio Australia)