ក្រសួងធនធានទឹកប្រកាសឲ្យពលរដ្ឋនៅតំបន់ទំនាបរួសរាន់ប្រមូលផលកសិកម្ម
សារព័ត៌មានយុវវ័យថ្មី/
ភ្នំពេញ (០៧ កក្កដា ២០១៦) ៖ ក្រសួងធនធានទឹកនិងឧតុនិយម បានចេញសេចក្ដីអំពាវនាវដល់ប្រជាកសិករដែលរស់នៅតំបន់ទំនាបរួសរាន់ ប្រមូលផលកសិកម្ម ព្រោះកម្ពស់ទឹកទន្លេបន្តហក់ឡើង ហើយទឹកនឹងហូរចូលតាមព្រែកនៅតំបន់ទំនាបនានាក្នុងរយៈពេល៤-៥ថ្ងៃ ខាងមុខ។
យោងតាមសេចក្ដីជូនដំណឹងរបស់ក្រសួងធនធានទឹក និងឧតុនិយម ដែលចេញផ្សាយនៅថ្ងៃទី៦ ខែកក្កដា ឆ្នាំ២០១៦នេះបានឱ្យដឹងថា ទឹកទន្លេ បាននិងកំពុងបន្ដហក់ឡើង។ ហេតុនេះ ស្ថានភាពទឹកទន្លេមេគង្គ អាចនឹងមានការកើនឡើងយ៉ាងខ្លាំង៕
