ធី សុវណ្ណថា ផ្តល់២លានរៀល ជូនម្ចាស់ឡានដឹកចេក
សារព័ត៌មាន Cambodia News/
ភ្នំពេញ (០៧ កក្កដា ២០១៦) ៖ កាលពីម្សិលមិញ កញ្ញា ធី សុវណ្ណថា ប្រធានអង្គការយុវជនកិច្ចការសង្គមបានជួបជាមួយបុរសអ្នកលក់ចេក នៅខេត្តកោះកុងហើយរួមទាំងផ្តល់ថវិកា២លានរៀលនិងទទួលទានអាហារ ជាមួយគាត់ទៀតផង។ នេះបើតាមសារនៅលើទំព័រ Facebook ផ្លូវការរបស់នាង នៅថ្ងៃទី០៦ ខែកក្កដានេះ។
កញ្ញាធី សុវណ្ណថាក៏បានសរសេរនៅក្នុងFacebookរបស់នាងថា”នាងខ្ញុំ នឹងជួយទិញចេករបស់គាត់ទាំង២.០០០ស្និតដែលខូចខាត និងខកពេលយកទៅលក់ដោយអាជ្ញាធរខេត្តកោះកុង បានស្ទាក់ចាប់ឡានរើចេកសង្ស័យថាបង្កប់ឈើក្រញូង តែរកមិនឃើញឈើក្រញូងទេ។
សូមបញ្ជាក់ថាការប្រគល់ប្រាក់២ លានរៀលនេះកើតឡើងមួយថ្ងៃបន្ទាប់ពីស្នងការប៉ូលិសខេត្តកោះកុងបាន ប្រគលើប្រាក់៣លានរៀលជូនអ្នកដឹកចេករូបនេះ បន្ទាប់ពីរូបភាពយំសុំអង្វរអោយជួយរកយុត្តិធម៌របស់លោកបានធ្វើអោយ ផ្អើលពេញFacebook៕
