គ្រោះថ្នាក់ចរាចរណ៍ថ្ងៃទី៣ខែកក្កដាស្លាប់ ២នាក់របួស ១២នាក់
សារព័ត៌មាន Cambodia News/
ភ្នំពេញ (០៤ កក្កដា ២០១៦) ៖ តាមរបាយការណ៍ពីនាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈនៃអគ្គស្នងការដ្ឋាននគរបាលជាតិបាន បញ្ជាក់ឲ្យដឹងថានៅថ្ងៃទី៣ខែកក្កដាឆ្នាំ២០១៦មានករណីគ្រោះថ្នាក់ ចរាចរណ៍នៅទូទាំងប្រទេសបានកើតឡើងចំនួន៧លើក។ ក្នុងនោះយប់៥លើកបណ្តាលឲ្យមនុស្សស្លាប់២នាក់រងរបួសធ្ងន់៩នាក់ និងរបួសស្រាល៣នាក់។
របាយការណ៍ដដែលបានបញ្ជាក់ឲ្យដឹងទៀតថា នៅក្នុងហេតុការណ៍គ្រោះថ្នាក់ចរាចរណ៍ទាំង៧លើកនេះ បណ្តាលឲ្យខូចខាតយានយន្ត សរុបចំនួន១០គ្រឿង រួមមានម៉ូតូចំនួន៥គ្រឿង រថយន្តធុនតូចចំនួន៤គ្រឿង រថយន្តធុនធំ ចំនួន ១គ្រឿង និងអ្នកថ្មើរជើង២នាក់។មូលហេតុដែលបណ្តាលឲ្យកើត មានករណីគ្រោះថ្នាក់ចរាចរណ៍ រួមមានល្មើសល្បឿនមួយលើក មិនគោរពសិទ្ធិ២លើកស្រវឹង២លើកបត់គ្រោះថ្នាក់មួយលើក និងប្រជែងគ្រោះថ្នាក់មួយលើក។ ក្នុងនោះអ្នកមិនពាក់មួកសុវត្ថិភាព ពេលគ្រោះថ្នាក់ចរាចរណ៍៤នាក់។
ចំពោះលទ្ធិផលត្រួតពិនិត្យ អនុវត្តច្បាប់ចរាចរណ៍ផ្លូវគោកនៅថ្ងៃទី៣ ខែកក្កដា ឆ្នាំ២០១៦នេះសមត្ថកិច្ចជំនាញរក ឃើញថា យានយន្តដែលល្មើសសរុបទូទាំងប្រទេសមាន ចំនួន២.៥៣២គ្រឿង ក្នុងនោះបានធ្វើការអប់រំចំនួន ១.២៣៥គ្រឿង និងពិន័យសរុប ១.២៩៧គ្រឿង៕
