សម្តេចតេជោ ចូលរួមពិធីរំលឹកខួបលើកទី៩ ទិវាអតីតយុទ្ធជនកម្ពុជា
សារព័ត៌មាន Cambodia News/
ភ្នំពេញ (២១ មិថុនា ២០១៦) ៖ នៅព្រឹកថ្ងៃនេះ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និង សម្តេចកិតិ្តព្រឹទ្ឋបណ្ឌិត ប៊ុន រ៉ានី ហ៊ុនសែន បានអញ្ជើញជាអធិបតី នៅក្នុងពិធីរំលឹកខួបលើកទី៩ ទិវាអតីតយុទ្ធជនកម្ពុជា ដែលប្រារព្ធឡើង នៅសាលមហោស្រពកោះពេជ្រ រាជធានីភ្នំពេញ។
នៅក្នុងឱកាសនោះ សម្តេចតេជោ នាយករដ្ឋមន្រ្តី ត្រូវបានបង្ហាញសាធារណៈជន ទូទៅ ជាមួយនឹងសម្លៀកបំពាក់ យោធា ។
ទិវាអតីត យុទ្ធជនកម្ពុជា ត្រូវបានធ្វើឡើងដើម្បីរំឭកដល់គំរូវីរភាពដ៏អង់អាចក្លាហាន មោះមុត និងគុណបំណាច់ដ៏ធំធេងរបស់វីរយុទ្ធជន-យុទ្ធនារី នៃកងកម្លាំងប្រដាប់អាវុធ និងប្រជាពលរដ្ឋគ្រប់ស្រទាប់ ដែលបានធ្វើពលិកម្មបូជាសាច់ស្រស់ឈាមស្រស់ ដើម្បីបុព្វហេតុជាតិមាតុភូមិ៕
