កុមារាម្នាក់ជិះកង់ឆ្លងផ្លូវ ត្រូវរថយន្តដឹកដីបុកកិនបែកក្បាលស្លាប់
សារព័ត៌មាន Cambodia News/
កណ្តាល ( ២៣ ឧសភា ២០១៦) ៖ កាលពីវេលាម៉ោង១១ និង១០នាទីព្រឹក ថ្ងៃទី២២ ខែឧសភាកុមារាម្នាក់បានជិះកង់ឆ្លងផ្លូវត្រូវរថយន្តដឹកដីបុកកិន បែក ក្បាលស្លាប់យ៉ាងអាណោចអាធម័បំផុត លើផ្លូវលេខ១១០ស្ថិតក្នុងភូមិឫស្សីស្រុក ឃុំឈើទាល ស្រុកកៀនស្វាយ ខេត្តកណ្ដាល។
កុមា រារងគ្រោះឈ្មោះ ពៅលីហួ ភេទប្រុស អាយុ ៦ឆ្នាំ ជាសិស្សរស់នៅក្នុងបន្ទុកជាមួយឪពុកឈ្មោះ ពៅ ធា អាយុ ៣៧ឆ្នាំម្ដាយឈ្មោះ ឡឹង សម័យ អាយុ ៣៣ឆ្នាំ ជនជាតិខ្មែរ មុខរបរកសិករ មានទីលំនៅភូមិឃុំខាងលើ។
តាមប្រភពបាននិយាយថាមុនពេលកើតហេតុ គេឃើញកុមារារងគ្រោះជិះ កង់ឆ្លងផ្លូវពីខាងស្តាំទៅខាងឆ្វេងដៃក្នុងទិសដៅពីកើត ទៅលិច ខណៈឆ្លងជិតដល់ចិញ្ចើមផ្លូវស្រាប់តែ រថយន្តដឹកដីម៉ាកនីសាន់ ពណ៌ខៀវ ពាក់ស្លាកលេខភ្នំពេញ 3A-8743 បើកបរក្នុងល្បឿនយ៉ាងលឿនបានបុក កុមារារងគ្រោះដែលកំពុងជិះកង់ពេញទំហឹង និងកិនបែកក្បាលស្លាប់នៅនឹងកន្លែងកើតហេតុ។
ចំណែករថយន្តបង្ក ក្រោយបើកបុកកុមារារងគ្រោះរួច មិនបានឈប់ទេបន្ថែមល្បឿនបើកមុខប្រហែល ៥០០ម៉ែត្រ អ្នកបើកបររត់គេចខ្លួនបាត់បន្សល់ទុកតែរថយន្តនៅទីនោះ។
បន្ទាប់ កើតហេតុកម្លាំងនគរបាលជំនាញសហការណ៍ជាមួយនគរបាលប៉ុស្តិ៍ ចុះធ្វើការវាស់វែងយករថយន្ត និងកង់ទៅកាន់អធិការដ្ឋាននគរបាលស្រុកកៀនស្វាយដើម្បីចាត់ការតាម នីតិវិធី រីឯសាកសពកុមារារងគ្រោះក្រោយពីធ្វើកំណត់ហេតុ ក៏ប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕
