៧នាក់ស្លាប់ របួសធ្ងន់ស្រាល៣៣នាក់ ក្នុងគ្រោះថ្នាក់ចរាចរណ៍ថ្ងៃទី២៨ កញ្ញា
សារព័ត៌មាន Cambodia News/
ភ្នំពេញ (២៩ កញ្ញា ២០១៥) ៖ យ៉ាងហោចណាស់មនុស្ស ៧នាក់បានស្លាប់ និង ៣៣នាក់រងរបួសធ្ងន់ស្រាលនៅក្នុងគ្រោះថ្នាក់ចរាចរណ៍ទូទាំងប្រទេសចំនួន ១៥លើក (យប់៩លើក) នាថ្ងៃទី២៨ ខែកញ្ញា ឆ្នាំ២០១៥។ នេះបើតាមការឲ្យដឹងពីអគ្គស្នងការដ្ឋាននគរបាលជាតិ។
ក្នុងគ្រោះថ្នាក់ចរាចរណ៍ទាំង១៥លើកនេះបានបង្កឲ្យខូចខាតយានយន្តសរុបចំនួន ៣៣គ្រឿង ក្នុងនោះមានម៉ូតូចំនួន ២១គ្រឿង រថយន្តធនតូច ៩គ្រឿង រថយន្ដធន់ធំចំនួ ២គ្រឿង កង់ ១គ្រឿង និងអ្នកថ្មើរជើងម្នាក់។ មូលហេតុដែលនៃគ្រោះថ្នាក់ចរាចរណ៍បណ្ដាលមកពីល្មើសល្បឿន ៧លើក បត់គ្រោះថ្នាក់ ១លើក ស្រវឹងមួយលើក មិនគោរពសិទ្ធិ ១លើក មិនប្រកាន់ស្ដាំ ៥លើក ក្នុងនោះអ្នកមិនពាក់មួកសុវត្ថិភាពពេលគ្រោះថ្នាក់មានចំនួន ៣៥នាក់។
ដោយឡែកចំពោះ រថយន្តពិន័យសរុបចំនួន ៥០១គ្រឿង ស្មើនឹង ៥១៨ករណី ល្មើសក្រដាសស្នាមមាន ៣៣៦គ្រឿង ស្មើនឹង ៣៣៦ករណី ល្មើសបច្ចេកទេស ១៦៩គ្រឿង ស្មើនឹង ១៨២ករណី។ ក្នុងនោះម៉ូតូត្រូវបានពិន័យមានចំនួន ៨៥០គ្រឿង៕
