មនុស្សម្នាក់ស្លាប់ និង ៨៥នាក់ទៀតរងរបួសក្នុងគ្រោះរញ្ជួយដី ២លើកនៅអេក្វាឌ័រ
សារព័ត៌មាន Cambodia News/
អេក្វាឌ័រ (១៩ ឧសភា ២០១៦) ៖ គ្រោះរញ្ជួយដី ២លើកបានអង្រួនតំបន់ឆ្នេររបស់ប្រទេសអេក្វាឌ័រ កាលពីថ្ងៃពុធម្សិលមិញដែលបណ្ដាលឲ្យមនុស្សម្នាក់ស្លាប់ និង ៨៥នាក់រងរបួសស្រាល និងបំផ្លិចបំផ្លាញតិចតួចក្នុងតំបន់តែមួយ ជាទីដែលការរញ្ជួយដ៏អាក្រក់កម្រិត 7.8រិកទ័រសម្លាប់មនុស្សជាង ៦៥០នាក់កាលពីខែមុន។
យោងតាមការអង្កេតពីមន្ទីរភូគព្ភសាស្ត្រអាមេរិកឲ្យដឹងថា ការរំញ័រកាលពីថ្ងៃពុធកម្រិត 6.7 និង 6.8រិកទ័របានកាត់ផ្ដាច់អគ្គិសនីក្នុងតំបន់ឆ្នេរសមុទ្រមួយចំនួន និងបញ្ជូនមនុស្សទៅកាន់ដងផ្លូវមានសុវត្ថិភាពនានា។ ប៉ុន្តែមិនមានការប្រកាសជូនដំណឹងពីរលកយក្សស៊ូណាមិទេ។
គួរបញ្ជាក់ថា ការរញ្ជួយដី២ថ្មីៗនេះបានអង្រួនជិតរមណីយដ្ឋាន ម៉ុមពីចេ ចំងាយ 60គីឡូម៉ែត្រភាគខាងជើងទីក្រុងផេឌ័រណាឡេស ដែលរងការប៉ះពាល់ធ្ងន់ធ្ងរបំផុតពីការរញ្ជួយដីកាលពីខែមុន៕ ប្រែសម្រួលដោយ ៖ យុវវ័យថ្មី
