វៀតណាមស្នើសុំម៉ាឡេស៊ីដោះលែងជនសង្ស័យ ក្នុងឃាតកម្មលោកគីម ជុងណាម
សារព័ត៌មាន Cambodia News/
វៀតណាម (១៣ មីនា ២០១៩) ៖ វៀតណាមកាលពីថ្ងៃអង្គារទី១២មីនា បានស្នើសុំម៉ាឡេស៊ីឲ្យដោះលែងស្ត្រីវៀតណាម ដែលជាប់ចោទពីបទធ្វើឃាតបងប្រុសមេដឹកនាំកូរ៉េខាងជើងដែលមានឪពុកតែមួយតែម្តាយទីទៃនៅក្នុងទីក្រុងគូឡាឡាំពួរ នៅមួយថ្ងៃបន្ទាប់ពីសហចុងចម្លើយសញ្ជាតិឥណ្ឌូណេស៊ី ត្រូវបានតុលាការម៉ាឡេស៊ីដោះលែង។
ស្ត្រីវៀតណាម ឈ្មោះឌ័ន ធីហឿង កំពុងស្ថិតក្នុងការឃុំខ្លួននៅម៉ាឡេស៊ីដើម្បីរង់ចាំសវនាការចំពោះឃាតកម្មស្ទីលសង្គ្រាមត្រជាក់នៅម៉ាឡេស៊ី លើរូបលោកគីម ជុងណាម នៅអាកាសយានដ្ឋានក្រុងគូឡាឡាំពួរ កាលពីឆ្នាំ២០១៧។
ហឿង ត្រូវបានចោទប្រកាន់ជាមួយស្ត្រីឥណ្ឌូណេស៊ី នាង ស៊ីទិ អាយស៍យ៉ាស ដែលទើបត្រូវបានតុលាការសម្រេចដោះលែងកាលពីថ្ងៃចន្ទ។ រដ្ឋមន្ត្រីការបរទេសវៀតណាម ផាំ ប៊ិញមិញ កាលពីថ្ងៃអង្គារ បានទូរស័ព្ទទៅកាន់សមភាគីម៉ាឡេស៊ី ដោយស្នើសុំដោះលែងនាងហឿងផងដែរ៕
