កញ្ញា ធី សុវណ្ណថា និង លោក ស្រីចំរើន បើកវេទិការួមគ្នានៅរសៀលនេះ
សារព័ត៌មាន Cambodia News/
ដោយ ៖ ហេង នាង/
ភ្នំពេញ (១៣ ឧសភា ២០១៦) ៖ យោងតាមការឲ្យដឹងពី កញ្ញា ធី សុវណ្ណថា ដែលសរសេរនៅលើបណ្តាញទំនាក់ទំនងសង្គម (Facebook) បង្ហោះកាលពីរសៀលម្សិលមិញ បានបញ្ចាក់ថា នៅថ្ងៃទី១៣ ខែឧសភា វេលាម៉ោង២រសៀល កញ្ញា ធី សុវណ្ណថា និង លោកស្រី ចំរើន ព្រមទាំងក្រុមយុវជនមួយក្រុម នឹងបើកវេទិកាកិច្ចពិភាក្សានៅសណ្ឋាគារសាន់វ៉េ ។
បើ តាម សុវណ្ណថា វេទិកានេះនឹងមានការចូលរួមពីតំណាងមកពីគ្រប់គណបក្សនយោបាយធ្វើជា វាគ្មិនកិត្តិយស ហើយកញ្ញាក៏អញ្ជើញអ្នកកាសែតចូលរួមផងដែរ ។
វេទិកា ខាងលើនឹងធ្វើការជជែកអំពីរឿងរ៉ាវរបស់លោក កឹម សុខា ថាតើ ប្រធានស្តីទីគណបក្សសង្គ្រោះជាតិរូបនេះគួរលាលែងតំណែងឬទេ? បន្ទាប់ពីផ្ទុះរឿងរ៉ាវអាស្រូវផ្លូវភេទ និងមិនចូលខ្លួនតាមការកោះហៅរបស់តំណាងអយ្យការអមសាលាដំបូងរាជធានី ភ្នំពេញ ពាក់ព័ន្ឋនឹងបណ្តឹងរបស់នាង ៕
