រថយន្តចង្កូតស្តាំ ទាំងអស់នៅកម្ពុជា ត្រូវបានរចនាស្លាកលេខ ខុសពីគេ
សារព័ត៌មាន Cambodia News/
ភ្នំពេញ (១៦ មីនា ២០១៦) ៖ តាមការប្រកាសរបស់ ក្រសួងសាធារណការនិងដឹកជញ្ជូន នាថ្ងៃទី ១១ មីនា ឆ្នាំ ២០១៦ បានអោយដឹងថា ស្លាកលេខរថយន្តចង្កូតស្តាំគ្រប់ប្រភេទមានស្រាប់ក្នុងប្រទេស ដែលបានទទួលអនុគ្រោះពិសេសអោយបង់ពន្ធ និង ចុះបញ្ជីផ្តល់ប័ណ្ណសម្គាល់ និងផ្លាកលេខយានយន្តក្នុងរយះពេលបីខែចាប់ពីថ្ងៃចុះហត្ថលេខា នេះតទៅ។
ដោយក្នុងនោះ ស្លាករបស់រថយន្តប្រភេទនេះ ត្រូវមានផ្ទៃពណ៌ក្រហម អក្សរនឹងលេខពណ៌លឿង ហើយផ្នែកខាងលើកណ្តាលនៃស្លាកលេខ មានសរសេរអក្សរថា “ចង្កូតស្តាំ” និងផ្នែកខាងមុខលេខចុះបញ្ជីមានកអក្សរកាត់សម្គាល់រាជធានីខេត្ត ជាអក្សរឡាតាំង៕
