គ្រោះថ្នាក់ចរាចរណ៍ថ្ងៃទី១៥ កុម្ភៈ ស្លាប់ ៦ នាក់របួសធ្ងន់ស្រាល ២៤នាក់
សារព័ត៌មាន Cambodia News/
ភ្នំពេញ (១៦ កុម្ភៈ ២០១៦) ៖ យោងតាមរបាយការណ៍របស់នាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈបានឲ្យដឹងថា គ្រោះថ្នាក់ចរាចរណ៍នៅទូទាំង ប្រទេស កាលពីថ្ងៃទី១៥ ខែកុម្ភៈ ឆ្នាំ២០១៦ មានចំនួន ១៥លើក ដែលបានបណ្តាលឲ្យមានមនុស្សស្លាប់ចំនួន ៦នាក់ និងរងរបួសធ្ងន់ស្រាលចំនួន ២៤នាក់។
ក្នុង ហេតុការណ៍គ្រោះថ្នាក់ ចរាចរណ៍នេះក៏បានបណ្តាលឲ្យខូចខាត ម៉ូតូចំនួន ២១គ្រឿង និងរថយន្តធុនតូច ៦គ្រឿង។ ចំណែកឯមូលហេតុ ដែលនាំឲ្យមានគ្រោះថ្នាក់ចរាចរណ៍គឺបណ្តាលមកពីការបើកបរ ក្នុងល្បឿនលឿនចំនួន ៤លើក បត់គ្រោះថ្នាក់ ៤លើក ស្រវឹង ៣លើក មិនប្រកាន់ស្តាំ ២លើក ប្រជែង ១លើក និងកត្តាយានយន្ត ១លើក៕
