ជនរងគ្រោះដំបូងគេបំផុតនៅកម្ពុជា ដែលកើតជំងឺផ្តាសាយជ្រូក (H1N1) បានទទួលមរណៈភាព
សារព័ត៌មាន Cambodia News/
ភ្នំពេញ (២៤ កុម្ភៈ ២០១៦) ៖ បុរស ដែលបានកើតជំងឺផ្តាសាយជ្រូក (H1N1) ដំបូងគេបំផុត នៅប្រទេសកម្ពុជា បានទទួលមរណភាព ហើយនៅវេលាម៉ោង៤ទៀបភ្លឺ ថ្ងៃទី២៤ ខែកុម្ភៈ ឆ្នាំ២០១៦ នេះ។ ជនរងគ្រោះមានឈ្មោះ ឃុន ណូ ជាបុគ្គលិកទូរទស្សន៍ CTN និង MYTV ហើយលោកត្រូវបានរកឃើញថា មានផ្ទុកជំងឺផ្តាសាយជ្រូក កាលពីថ្ងៃទី២០ ខែកុម្ភៈ កន្លងទៅ។
លោក ឃុន ណូ ត្រូវបានគ្រូពេទ្យដាក់អោយ សម្រាកព្យាបាលនៅមន្ទីរពេទ្យរុស្ស៊ី ដោយមានការឃ្លាំមើល ជាប្រចាំពីសំណាក់គ្រូពេទ្យ និងមន្ត្រីអង្គការសុខភាពពិភពលោក។ មរណៈភាពរបស់លោក ឃុន ណូ បានធ្វើអោយគ្រួសាររបស់លោក មានទុក្ខក្រៀមក្រំយ៉ាងខ្លាំង ដោយសារតែភរិយារបស់លោក កំពុងតែមានផ្ទៃពោះ ហើយជិតគ្រប់ខែទៀតផង៕
