នៅឆ្នាំសិក្សា ២០១៦-២០១៧ ក្រសួងអប់រំនឹងផ្តល់អាហារូបករណ៍ចំនួន ៦៣៤៦កន្លែង
សារព័ត៌មាន Cambodia News/
ភ្នំពេញ (១៩ កុម្ភៈ ២០១៦) ៖ យោងតាមសេចក្តីជូនដំណឹងរបស់ក្រសួងអប់រំ យុវជន និងកីឡា បានឲ្យដឹងថា សម្រាប់ឆ្នាំសិក្សា២០១៦-២០១៧ ក្រសួងនឹងផ្តល់អាហារូបករណ៍ចំនួន ៦៣៤៦កន្លែង ដល់និស្សិតចូលរៀនថ្នាក់បរិញ្ញាបត្រ នៅតាមគ្រឹះស្ថានឧត្តមសិក្សាសាធារណៈ និងឯកជន។
សម្រាប់ចំនួនអាហារូបករណ៍ ទាំងអស់ត្រូវបានបែងចែកជាបួនផ្នែកគឺសម្រាបសិស្សទូទៅចំនួន៣៨៥៥ នាក់ សិស្សអាទិភាពនារី៨៧៣នាក់ សិស្សអាទិភាពក្រីក្រ១២៤១នាក់ និងសិស្សអាទិភាពតំបន់ជួបការលំបាក៣៧៧នាក់។
ចំពោះកាលបរិច្ឆេទឈប់ទទួលពាក្យ និងកន្លែងទទួលពាក្យគឺ៖
– ថ្ងៃទី១៧ ខែមិថុនា ឆ្នាំ២០១៦ សម្រាប់បេក្ខជនសិស្សថ្នាក់ទី១២ ឆ្នាំសិក្សា២០១៥-២០១៦ នៅតាមវិទ្យាល័យរបស់ខ្លួន ឬមន្ទីរអប់រំ យុវជន និងកីឡា រាជធានី ខេត្ត។
- ថ្ងៃទី១៧ ខែមិថុនា ឆ្នាំ២០១៦ សម្រាប់បេក្ខជនស្វ័យរិន និងបំពេញវិជ្ជា នៅមន្ទីរអប់រំ យុវជន និងកីឡា រាជធានី ខេត្ត៕