នៅឆ្នាំ២០១៧ ពលរដ្ឋប្រើអគ្គិសនីរដ្ឋត្រឹម៥០គីឡូវ៉ាត់ម៉ោងចុះក្រោមក្នុង១ខែ បង់ថ្លៃតែ៦១០រៀល
សារព័ត៌មានយុវវ័យថ្មី/
ភ្នំពេញ (២១ មករា ២០១៦) ៖ កម្ពុជា នឹងដាក់ចុះនូវផែនការអនុគ្រោះថ្លៃអគ្គិសនី ចំពោះប្រជាពលរដ្ឋដែលប្រើប្រាស់បណ្ដាញអគ្គិសនីជាតិ មិនលើសពី៥០គីឡូវ៉ាត់ម៉ោង ក្នុង១ខែ ក្នុងថ្លៃត្រឹម៦១០រៀលប៉ុណ្ណោះ ក្នុង១គីឡូវ៉ាត់ម៉ោង ដែលផែនការនេះ នឹងគ្រោងអនុវត្តនៅខែមេសា ឆ្នាំ២០១៧ខាងមុខ ។ នេះបើយោងតាមការថ្លែងរបស់ប្រមុខរាជរដ្ឋាភិបាលកន្លងមក ។
នៅក្នុងគណនីហ្វេសប៊ុកផ្លូវការរបស់សម្តេចតេជោ ហ៊ុន សែន បានសរសេរថា ៖ « ខ្ញុំសូមជម្រាបជូនបងប្អូនជនរួមជាតិឱ្យបានជ្រាបថា ចាប់ពីខែមេសា ឆ្នាំ២០១៧ទៅ ចំពោះប្រជាពលរដ្ឋដែលប្រើប្រាស់បណ្តាញអគ្គិសនីរដ្ឋក្នុងបរិមាណពី៥០គីឡូវ៉ាត់ម៉ោងក្នុងមួយខែចុះក្រោម គឺបង់ថ្លៃត្រឹមតែ៦១០រៀលតែប៉ុណ្ណោះ ។
ខ្ញុំសង្ឃឹមថា ការសម្រេចបន្ធូរបន្ថយតម្លៃប្រើប្រាស់អគ្គិសនីជូនបងប្អូនជនរួមជាតិ គឺពិតជានឹងជួយសម្រួលដល់ជីវភាពរស់នៅប្រចាំថ្ងៃរបស់បងប្អូនជនរួមជាតិបានមួយកម្រិតធំជាមិនខាន » ៕
