ប្រាក់ពិន័យល្មើសច្បាប់ចរាចរណ៍៩៥% ផ្តល់ជូនក្រសួងមហាផ្ទៃ ៤%ចូលថវិកាជាតិ
សារព័ត័មាន Cambodia News/
ភ្នំពេញ (០៦ មករា ២០១៦) ៖ ប្រាក់ចំណូល ដែលទទួលបានពីការពិន័យ អន្តរការណ៍ចំពោះ អំពើល្មើសច្បាប់ចរាចរណ៍ផ្លូវគោក ត្រូវបានបែងចែក ជាចំណែកសម្រាប់បង់ចូលថវិកាជាតិ ប្រាក់រង្វាន់ ផ្តល់ជូនក្រសួងមហាផ្ទៃ និងក្រសួងសេដ្ឋកិច្ច និងហិរញ្ញវត្ថុដោយផ្អែកទៅតាមសមាមាត្រភាគរយ ធៀបទៅនឹងប្រាក់ពិន័យ ដែលប្រមូលបាន តាមការកំណត់ដូចខាងក្រោម៖
-បង់ចូលថវិកាជាតិចំនួន៤%(បួនភាគរយ) នៃប្រាក់ពិន័យដែលប្រមូលបាន
-ផ្តល់ជូនក្រសួងមហាផ្ទៃចំនួន៩៥%(កៅសិបប្រាំភាគរយ)នៃប្រាក់ពិន័យដែលប្រមូលបាន សម្រាប់ជាចំណាយឧបត្ថម្ភមន្ត្រី និងពង្រឹងយន្តការប្រមូលចំណូល និងបែងចែក ជូនដល់អង្គភាពគោលដៅ
-ផ្តល់ជូនក្រសួងសេដ្ឋកិច្ចនិងហិរញ្ញវត្ថុចំនួន១%(មួយភាគរយ )នៃប្រាក់ពិន័យដែលប្រមូលបាន
នេះបើយោងតាមការប្រកាសអន្តរក្រសួង ស្តីពីការគ្រប់គ្រងប្រាក់ចំណូលដែលបានពី ការពិន័យ អន្តរការណ៍ ចំពោះអំពើល្មើសនឹងច្បាប់ស្តីចរាចរណ៍ផ្លូវគោក ៕
