សម្តេច ហ៊ុន សែន សប្បាយចិត្ត ដោយបានមកសំរាកទាំងកូនទាំងចៅជុំគ្នា នៅមាត់សមុទ្រ
សារព័ត៌មាន Cambodia News/
ភ្នំពេញ (៣១ ធ្នូ ២០១៥) ៖ នៅលើហ្វេសប៊ុក នាព្រឹកព្រលឹមថ្ងៃនេះ សម្តេចហ៊ុនសែន បានលើកឡើងថា “នៅសល់តែប៉ុន្មានម៉ោងទៀត ដាច់ឆ្នាំចាស់ ២០១៥ ចូលឆ្នាំថ្មី ២០១៦!។ ខ្ញុំ និងភរិយា សូមជូនពរបងប្អូនជនរួមជាតិទូទាំងប្រទេស ជួបតែពុទ្ធពរទាំង ៤ប្រការ។ ចំណែកខ្ញុំវិញឆ្នាំនេះ សប្បាយចិត្ត ដោយបានមកសំរាកទាំងកូនទាំងចៅជុំគ្នានៅមាត់សមុទ្រ ដែលផ្តល់ឱកាសឱយខ្ញុំមិនត្រឹមតែបានជួបជុំកូនចៅប៉ុណ្ណោះទេ តែបានផ្តល់ឱយខ្ញុំបានជួបប្រាស្រ័យជាមួយប្រជាជន ស្វែងយល់សុខទុក្ខប្រជាជនបានថែមទៀតផង”។
សម្តេចហ៊ុនសែន បន្តថា “សំរាប់ជីវិតគ្រួសារក៏ជិតដល់ខួប ៤០ឆ្នាំ នៃថ្ងៃរៀបការរវាងខ្ញុំ និង ភរិយាដែរ។ ក្នុងបទចម្រៀងមួយមានពាក្យ ថា”ស្នេហ៍វ័យចំណាស់ ចេះថ្នាក់ថ្នមចិត្ត”។ ឯខ្ញុំខុសពីនេះ ដោយប្រើពាក្យថា “ស្នេហ៍វ័យចំណាស់ចេះថ្នាក់ថ្នមខ្លួន”។ សុំស្វែងយល់ និងសូមមើលរូបថត ដែលខ្ញុំជូនទៅជាមួយ”៕
