ក្រសួមហាផ្ទៃ ប្រកាសស្វែងរក អ្នកក្លែងសំបុត្រកំណើត បង្ហោះក្នុង Facebook យកមកផ្តន្ទាទោស
សារព័ត៌មាន Cambodia News/
ភ្នំពេញ (១៩ វិច្ចកា ២០១៥)៖ ក្រោយពីបានពិនិត្យការផ្សព្វផ្សាយ តាមរយៈ បណ្តាញសង្គម Facebook កាលពីថ្ងៃទី១៨ វិច្ចិកា ម្សិលមិញ ដោយមានការបង្ហោះក្លែងលិខិតស្តីពីសំបុត្របញ្ជាក់ កាលពីថ្ងៃទី១៨ វិច្ចិកា ម្សិលមិញ ក្នុងចេនាឆ្លៀតបំណងបំពុលបរិយាកាសសង្គម អគ្គនាយកដ្ឋានអត្តសញ្ញាណកម្ម ក្រសួងមហាផ្ទៃ បានសហការជាមួយអាជ្ញាធរមានសមត្ថកិច្ច ធ្វើការស្រាវជ្រាវជាបន្ទាន់ ដើម្បីវែកមុខជនប្រព្រឹត្តបទល្មើសយកមកផ្តន្ទាទោស។
យោងតាមសេចក្តីប្រកាសព័ត៌មានរបស់អគ្គនាយកដ្ឋានអត្តសញ្ញាណកម្ម បានបញ្ជាក់ថា អគ្គនាយកដ្ឋានអត្តសញ្ញាណកម្ម ក្រសួង មហាផ្ទៃ បានពិនិត្យឃើញមានការផ្សព្វផ្សាយតាមរយៈបណ្តាញសង្គម Facebook ស្តីពីសំបុត្របញ្ជាក់ កំណើតលេខ០៨ សៀវភៅបញ្ជាក់កំណើតលេខ០១ ចេញដោយមន្ត្រីអត្រានុកូលដ្ឋានឃុំភ្នំដិនស្រុកគិរីវង់ ខេត្តតាកែវ ប៉ុន្តែសំបុត្របញ្ជាក់កំណើតនេះមានភាពមិនប្រក្រតីនៅត្រង់ ទីកន្លែងកំណើត របស់សាម៉ីខ្លួន ដែលសរសេរថា ឃុំភ្នំដិន ស្រុកគិរីវង់ ខេត្តតាកែវ (ប្រទេសវៀតណាម)៕ ដោយ៖ ហេង នាង
