សម្តេច ហ៊ុន សែន នឹងអញ្ជើញចូលរួមកិច្ចប្រជុំកំពូលអាស៊ាននៅប្រទេសម៉ាលេស៊ី
សារព័ត៌មាន Cambodia News/
ភ្នំពេញ (១៧ វិច្ចិកា ២០១៥) ៖ យោងតាមគេហទំព័រ Facebook ផ្លូវការ របស់សម្តេចតេជោ នាយករដ្ឋមន្ត្រីនៃព្រះរាជាណាកច្រកម្ពុជា នៅថ្ងៃទី១៧ ខែវិច្ឆិកា នេះ បានឲ្យដឹងថា សម្តេច នឹងដឹកនាំគណៈប្រតិភូជាន់ខ្ពស់កម្ពុជា អញ្ជើញចូលរួមកិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធមួយចំនួន( 27th ASEAN Summit and Related Summits) ចាប់ពីថ្ងៃទី២០-២២ ខែ វិច្ឆិកា ឆ្នាំ២០១៥ នៅទីក្រុងកូឡាឡាំពួរ ប្រទេសម៉ាលេស៊ី តាមការអញ្ចើញរបស់ឯឧត្តម Dato Sri Mohd Najib នាយករដ្ឋមន្ត្រីម៉ាលេស៊ី។
នៅក្នុងឧិកាសអញ្ជើញចូលរួមកិច្ចប្រជុំកំពូលអាស៊ាននោះ សម្តេចតេជោ ហ៊ុន សែន នឹងជួបពិភាក្សាទ្វេភាគីជាមួយ នាយករដ្ឋមន្រ្តីជប៉ុន នាយករដ្ឋមន្រ្តីអូស្រ្តាលី និង នាយករដ្ឋមន្រ្តីឥណ្ឌាផងដែរ។
ទាំងបច្ចុប្បន្ន និងអានាគត សម្តេចតេជោ ហ៊ុន សែន បានខិតខំពង្រឹងមិត្តភាព និង សហប្រតិបត្តិការជាមួយបណ្តាប្រទេសជាមិត្ត ព្រមទាំងបានធ្វើអោយកម្ពុជាងើបមុខមាត់ស្មើភាពជាមួយអន្តរជាតិ ដែលជាមោទនៈភាពរបស់កម្ពុជាទាំងមូល៕ ដោយ៖ ហេង នាង
