សាសា សុំចូលខ្លួនបំភ្លឺ នៅសាលាដំបូងខេត្ត មុនកាលកំណត់
សារព័ត៌មាន Cambodia News/
ភ្នំពេញ (០៤ កញ្ញា ២០១៥) ៖ មន្រ្តីសាលាដំបូងខេត្តបាត់ដំបង បានបង្ហើបឲ្យដឹងថា កញ្ញា ឯក សុជាតា ហៅសាសា អតីតពិធីការិនី ក្នុងស្ថានីយទូរទស្សន៍ CTN បានស្នើសុំចូលខ្លួនបំភ្លឺនៅសាលាដំបូងខេត្តបាត់ដំបងមុនកាលកំណត់ ពាក់ព័ន្ធករណីគ្រោះថ្នាក់ចរាចរណ៍នៅកណ្តាលក្រុងបាត់ដំបង កាលពីថ្ងៃទី០២ ខែសីហា កន្លងទៅ។
ប្រភពបន្តថា បើតាមដីកាកោះរបស់ចៅក្រមសាលាដំបូងខេត្ត ដែលចេញដីកាកោះហៅកញ្ញាសាសានោះ គឺញ្ញា សាសានឹងចូលខ្លួនបំភ្លឺនៅថ្ងៃទី១០ ខែកញ្ញា ឆ្នាំ២០១៥ នៅម៉ោង០៨៣០នាតីព្រឺក ខាងមុខនោះទេ តែមិនដឹងជាមានមូលហេតុអ្វី បានជាកញ្ញា សាសា សុំចូលខ្លួនបំភ្លឺនៅថ្ងៃទី០៤ ខែកញ្ញា ឆ្នាំ២០១៥វេលាម៉ោង០៩ៈ០០នាតីព្រឹកនេះ ទៅវិញ។
គួររម្លឺកថា កញ្ញា សាសា បានបើករថយន្តស៊េរីទំនើបរបស់នាងម៉ាក Porsche ពណ៌ស ពាក់ស្លាកលេខ ភ្នំពេញ 2AD-7888 ទៅបុកអ្នកជិះម៉ូតូ សណ្ដោងរ៉ឺម៉កដឹកទឹកកក កាលពីវេលាម៉ោងជាង១១:០០នាទីយប់ ថ្ងៃទី០២ ខែសីហា ឆ្នាំ២០១៥ នៅសង្កាត់ស្វាយប៉ោ ក្រុងបាត់ដំបង បន្ទាប់ពីកញ្ញាសាសា ដែលរួមដំណើរជាមួយនារីម្នាក់ផង ចេញពីហាងផឹកស៊ីមួយកន្លែងយីហោតោ២។ ករណីនេះបានធ្វើឲ្យម្ចាស់ម៉ូតូឈ្មោះ ទុយ ម៉ោក ភេទប្រុស អាយុ៤២ឆ្នាំ រងរបួសធ្ងន់៕
