អនុក្រឹត្យ ស្តីពីការពិន័យអន្តរការណ៍ ចំពោះអំពើល្មើសនឹងច្បាប់ ស្តីពីចរាចរណ៍ផ្លូវគោក
សារព័ត៌មាន Cambodia News/
ភ្នំពេញ (០៦ សីហា ២០១៥) ៖ អនុក្រឹត្យស្តីពីការពិន័យអន្តរការណ៍ ចំពោះអំពើល្មើសនឹងច្បាប់ ស្តីពីចរាចរណ៍ផ្លូវគោក បានចុះហត្ថលេខាហើយ កាលពីខែកក្កដា កន្លងទៅ ដោយ សមេ្តចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។
ច្បាប់ ស្តីពីចរាចរណ៍ផ្លូវគោកថ្មីនេះ ដើម្បីបង្ការ ទប់ស្កាត់បទល្មើស និងគ្រោះថ្នាក់ចរាចរផ្លូវគោក រក្សាសណ្តាប់ធ្នាប់ចរាចរណ៍ផ្លូវគោក និងការពារអាយុជីវិត មនុស្ស សត្វ ទ្រព្យ សម្បត្តិ និងកំណត់អំពើល្មើស និងចំនួនទឹកប្រាក់ ដែលត្រូវពិន័យអន្តរការណ៍។
អនុក្រឹត្យដែលមាន៤ជំពូក និង១៣ មាត្រា បានគូសបញ្ជាក់ថា អនុក្រឹត្យ មានវិសាលភាពអនុវត្តន៍ ចំពោះអំពើល្មើសនឹងច្បាប់ ស្តីពីចរាចរណ៍ផ្លូវគោក ដែលត្រូវពិន័យអន្តរការណ៍ នៅក្នុងព្រះរាជាណាចក្រកម្ពុជា និងមានគោលដៅ លើកកម្ពស់ការយល់ដឹងច្បាស់ អំពីច្បាប់ចរាចរណ៍ផ្លូវគោក៕
