ឧបនាយករដ្ឋមន្រ្តី ស ខេង បញ្ជាឱ្យកម្លាំង សមត្ថកិច្ច តាមចាប់ឧកញ៉ា សុខ ប៊ុន ឱ្យបាន
សារព័ត៌មាន Cambodia News/
ភ្នំពេញ (១៤ កក្កដា ២០១៤) ៖ ឧបនាយករដ្ឋមន្រ្តី និងជារដ្ឋមន្រ្តី ក្រសួងមហាផ្ទៃ ស ខេង បាន បញ្ជា ឱ្យកម្លាំងប្រដាប់អាវុធ តាមចាប់លោកឧកញ៉ា សុខ ប៊ុន ដែល វាយដំលើ កញ្ញា សាសា មកផ្តន្ទាទោសឱ្យបាន ទោះជាជនល្មើសរូបនេះ រត់ទៅដល់ ទីណាក៏ដោយ ។
ការដាក់បទបញ្ជានេះ បានធ្វើឡើង នៅក្នុងពិធីផ្សព្វផ្សាយ អំពីបញ្ហាព្រំដែន និងការបង្គោលខណ្ឌសីមា ជូនដល់អាជ្ញាធរខ្មែរ ទូទាំងប្រទេស នាព្រឹកថ្ងៃទី១៤ ខែកក្កដា ឆ្នាំ២០១៥។
មិនត្រឹមតែបញ្ជាឲ្យតាមចាប់លោក សុខ ប៊ុន ដែលត្រូវបានចោទប្រកាន់ពីបទប្រើហិង្សាលើកញ្ញាសាសាតែប៉ុណ្ណោះទេ លោកឧបនាយករដ្ឋមន្រ្តី ស ខេង ក៏បានប្រកាសព្រមានឲ្យមន្ត្រីដែលចង់រត់ការក្នុងសំណុំរឿងប្តឹងផ្តល់លោក សុខ ប៊ុន ឲ្យដកខ្លួនជាបន្ទាន់ផងដែរ។
បញ្ជាលោករបស់លោកឧបនាយករដ្ឋមន្រ្តី ស ខេង ត្រូវបានធ្វើឡើង ខណៈលោក សុខ ប៊ុន បានប្រកាសលាលែងពីតំណែងទាំងអស់ ព្រមជាមួយងារឧកញ៉ា និងសុំទោសកញ្ញាសាសាជាសាធារណៈនៅព្រឹកថ្ងៃទី១៤ កក្កដានេះ៕
